Қашқадарёда 8-синф ўқувчисини юқори синф ўқувчилари аёвсиз калтаклагани айтилмоқда.
Ҳолатни ўрганаётган Nasafnews’нинг хабар беришича, болани 27-мактабнинг 9-синф ўқувчилари гуруҳ бўлиб дўппослаган. Ҳолат мактаб стадионида содир бўлган.
Жабрланган бола ҳозирда Қарши шаҳридаги тез ёрдам марказида оғир аҳволда қолмоқда. У оғир жарроҳлик амалиётини бошдан ўтказди.
Вилоят халқ таълими бошқармаси ахборот хизмати раҳбари Жавоҳир Рустамов «Дарё» сўровига жавобан ҳолатни тасдиқлади. «Ҳақиқатан ҳам бу ҳолат юз берган. Воқеа тегишли тартибда ўрганилмоқда. Тез орада батафсил маълумот берамиз», — деди у.
Қашқадарё ИИБ ахборотига кўра, ҳолат вилоят ИИБ томонидан назоратга олиниб, ҳозирда Қарши шаҳар ички ишлар органлари фаолиятини мувофиқлаштириш бошқармаси ходимлари томонидан суриштирув ҳаракатлари олиб борилмоқда.
Изоҳ (0)