Куала-Лумпур халқаро аэропортида Uzbekistan Airways’нинг Тошкент—Куала-Лумпур йўналиши бўйича пандемия давридан буён биринчи рейсин тантанали кутиб олинди. Бу ҳақда «Дунё» АА хабар берди.
Қайд этилишича, икки йилдан ортиқ кутилган рейс 2 ноябрь куни 188 киши бўлган илк йўловчиларни А321Neo самолётида Куала-Лумпурга етказиб қўйган. Самолёт анъанавий равишда сув аркаси билан кутиб олинган.
Ўзбекистонга 200 минг нафар малайзиялик сайёҳни жалб этиш бўйича республика олдига қўйган улкан мақсадларга эришиш учун авиакомпания парвозлар частотасини кунига камида 3 баробаргача ошириш, чипталар мақбул нархда бўлиши лозимлиги қайд этилган.
Изоҳ (0)