Канаданинг Торонто шаҳридаги мактаб ёнида отишма содир этилди, камида бир киши ҳалок бўлди. Бу ҳақда маҳаллий полиция матбуот хизматига таяниб, CBC хабар берди.
Ҳодиса шаҳарнинг шарқий қисмидаги мактаб биноси яқинида содир бўлган. Воқеа жойига етиб келган полиция ходимлари у ерда икки жабрланувчи: эркак ва ўсмирни топган. Уларнинг иккаласи ҳам зудлик билан касалхонага ётқизилган, бироқ эркакнинг ҳаётини сақлаб қолиш имкони бўлмаган. Ўсмир травматология бўлимида шифокорлар назоратида.
Ҳужумчи воқеа жойидан қочишга муваффақ бўлган. Полиция гумонланувчини қидириш ва отишма ҳолатларини аниқлашга киришган.
Торонто мери Жон Тори фожиа муносабати билан полиция ва мактаб расмийлари билан учрашиб, таълим муассасаларидаги қўшимча хавфсизлик чораларини муҳокама қилмоқчилигини маълум қилди. Шаҳар мери шунингдек, марҳумнинг оила аъзолари ва яқинларига ҳамдардлик билдирди.
Изоҳ (0)