Kanadaning Toronto shahridagi maktab yonida otishma sodir etildi, kamida bir kishi halok bo‘ldi. Bu haqda mahalliy politsiya matbuot xizmatiga tayanib, CBC xabar berdi.
Hodisa shaharning sharqiy qismidagi maktab binosi yaqinida sodir bo‘lgan. Voqea joyiga yetib kelgan politsiya xodimlari u yerda ikki jabrlanuvchi: erkak va o‘smirni topgan. Ularning ikkalasi ham zudlik bilan kasalxonaga yotqizilgan, biroq erkakning hayotini saqlab qolish imkoni bo‘lmagan. O‘smir travmatologiya bo‘limida shifokorlar nazoratida.
Hujumchi voqea joyidan qochishga muvaffaq bo‘lgan. Politsiya gumonlanuvchini qidirish va otishma holatlarini aniqlashga kirishgan.
Toronto meri Jon Tori fojia munosabati bilan politsiya va maktab rasmiylari bilan uchrashib, ta’lim muassasalaridagi qo‘shimcha xavfsizlik choralarini muhokama qilmoqchiligini ma’lum qildi. Shahar meri shuningdek, marhumning oila a’zolari va yaqinlariga hamdardlik bildirdi.
Izoh (0)