Қашқадарё вилоятининг Қарши туманида ер майдони савдоси билан боғлиқ фирибгарлик ҳолати фош этилди, деб хабар бермоқда Бош прокуратура ҳузуридаги департамент.
Департаментнинг Қарши туман бўлими томонидан ИИБ ходимлари билан ҳамкорликда ўтказилган тезкор тадбирда, фуқаро С.О. «Сарой» МФЙ ҳудудидан замонавий мактабгача таълим муассасаси биноси қуриш учун отасига ажратилган 50 сотих ер майдонини фуқаро Э.га 220 миллион сўмга сотишга келишиб, алдов йўли билан олдиндан 150 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)