Нима учун қиролича Елизавета II омма олдида доимо сумка билан кўриниш берган ва унинг ичида нима сақлаган?

Бутун дунёда севимли ва ҳурматга сазовор бўлган қиролича Елизавета II кўпчилик томонидан нафислик ва камчиликлардан ҳоли бўлган услуб тимсоли ҳисобланган. У 70 йиллик ҳукмронлиги давомида қиролича ўзига хос қора сумкаси билан омма олдида кўриниш берган. Хўш, сумка ичида нима сақланган? «Новий очаг» нашри қуйида ушбу саволга жавоб берди.

Ҳашаматли сумкалар ва бошқа майда чарм буюмлар ишлаб чиқарувчи Британиянинг етакчи Launer Лондон брендининг қора лакланган сумкаси доимо Елизавета II услубининг муҳим элементи бўлиб келган. Town & Country нашри маълумотларига кўра, қиролича бренднинг 200 дан ортиқ сумкаларига эга бўлган. Улардан энг севимлилари Royalэ ва Травиата каби узун тутқичли моделлар эди. Маълумотларга кўра, Launer бренди 1968 йилдан бошлаб қироличага сумкалар етказиб берган.

Нега малика доим ўзи билан сумка олиб юрарди?

Қиролича нафақат нафис образ яратиш, балки ходимларига махфий буйруқларни етказиш учун ҳам лакланган сумка таққан. Мисол учун, агар қиролича сумкасини бир қўлидан иккинчи қўлига ўтказса, бу унинг суҳбатни тўхтатиш учун бирор ходим келишини сўраганини англатади. Шунингдек, кечки овқат пайтида қиролича столга сумкасини қўйса, тадбир беш дақиқа ичида тугаши кераклигини кўрсатган.

Елизавета II нинг сумкасида нима бор эди?

Қироллик эксперти, «Қироличанинг қўл сумкасида нима бор ва бошқа қироллик сирлари» китоби муаллифи Фил Дампирнинг сўзларига кўра, қиролича Елизавета II ўз сумкасида турли хил нарсаларни, жумладан, ит учун егулик олиб юрган.

Дампернинг айтишича, қиролича тез-тез ўзи билан суюкли коргиси учун егуликлар, кроссворд, қалам пичоқ, кундалик ва кичик камера олиб юрган. Шунингдек, якшанба кунлари Елизавета II черковга ташриф буюрганида, у хайр-эҳсон қилиш учун сумкасига 5 фунт стерлинг купюрасини ҳам солган.

Таржимаи ҳол учун қироличанинг дўстлари ва қариндошларидан интервью олган тарихчи Салли Беделл Смит унинг сумкасида ялпизли конфетлар, кўзойнак, ручка, лаб бўёғи, упа ва салфеткалар борлигини таъкидлади. Бундан ташқари, сумкада малика уни стол остига осиб қўйиши учун илгак борлиги ҳам айтилган.