Бугунги кунда кучли ва мустақил аёллар масъулиятли раҳбарлик лавозимларида тобора кўпроқ ишламоқда. Муваффақиятли ва шундай идеал ишбилармон аёлларнинг ҳақиқий ҳаётини очиб берувчи ажойиб фильмлар билан танишинг.
«Қаттиққўл хоним» (2006)
Картина ўн йил олдин суратга олингани сабабли маълум маънода классикага айланган. «Оскар» мукофотига сазовор бўлган америкалик актриса Мерил Стрип образи эса шунчаки бетакрор. Миранда Пристли нуфузли Подиум мода журналининг бош муҳаррири, қатъий ва муросасиз хоним, у билан ҳеч ким баҳслашишга журъат эта олмайди. У ўз ходимларига жуда талабчан, улар хато қилиши мумкин эмас. Аммо нашриётга ёш қиз Андреа келади, у тасодифан Миранда Пристли ҳаётининг бошқа томонини кўради. Дарҳақиқат, қатъий ва талабчан хўжайиннинг ҳар қандай образи ортида заиф томонлари ва кундалик муаммолари билан оддий одам туради.
«Ишдаги ишқ» (1977)
Элдар Рязановнинг лирик кинокомедияси томошабинлар томонидан севиб кўрилгани сабабли ҳам ундаги иборалар оммалашиб кетган. Сюжет оддий совет ходими Новоселцевнинг эски таниши ташлаган саргузаштли ғояга боғланган. У лавозимга кўтарилиш учун ҳийла-найранг қилишни таклиф қилади, яъни: турмушга чиқмаган раҳбари билан ошиқ-маъшуқ бўлиш . «Кампир» лақабли Людмила Прокофевна бир қарашда, романтиканинг ҳар қандай кўринишларига бегона бўлган қатъий, талабчан раҳбар. Аммо ҳақиқий ҳис-туйғулар ҳатто шундай қўпол, эркакшода хўжайинда ҳам ҳақиқий аёлни уйғотиши мумкин.
«Катта хўжайин» (2016)
Қувноқ, ғайратли ва кулгили фильм. Меллиса Маккартининг қаҳрамони муваффақиятли ишбилармон аёл, лекин тўсатдан унинг компанияси муваффақиятсизликка учрайди ва ўзи эса молиявий фирибгарликда айбланиб қамоққа тушади. Озодликка чиққандан сўнг, у бизнес билан шуғулланишни ва яна ҳурмат қозонишни хоҳлашини тушунади. Собиқ ходимининг меҳрибонлиги туфайли у кейинчалик ҳаётига катта таъсир кўрсатадиган оилага эга бўлади. Бу енгил кулгили комедия жуда оддий, аммо шундай муҳим ғояни ўз ичига олади: ҳар қандай вазиятда ҳам ҳеч қачон таслим бўлмаслик керак.
«Темир хоним» (2011)
Мерил Стрип ўйнаган кучли аёл ҳақидаги яна бир фильм. Фильм сиёсат аёлнинг иши эмаслиги ҳақидаги бузғунчи ижтимоий стереотипларни йўқ қилишга муваффақ бўлган афсонавий аёлнинг илҳомлантирувчи ҳаётини ҳикоя қилади. Маргарет Тетчер нафақат ҳокимиятни, балки бутун халқнинг меҳрини қозониб, Буюк Британия бош вазири лавозимини эгаллашга муваффақ бўлган биринчи аёл ҳисобланади. Мерил Стрипнинг ушбу фильмдаги актёрлик иши ҳам оддий томошабинлар, ҳам профессионал танқидчилар томонидан юқори баҳоланиб, актрисага энг яхши актриса номинациясида нуфузли жаҳон киномукофотлари, жумладан: «Оскар» ва «Олтин глобус» ҳайкалчалари, шунингдек, Британия академияси, Актёрлар гильдиясининг мукофотларини олиб келган.
«Стажёр» (2015)
Жулс Остин ёш бўлишига қарамай, жиддий ишбилармон аёл. У онлайн савдо билан шуғулланадиган компанияни бошқаради ва бу қийин вазифани жуда муваффақиятли ҳал қилади. Унинг бизнеси жадал ривожланмоқда ва раҳбарият кундалик юмушларда ёрдам бериш учун бир нечта стажёрларни ёллашга қарор қилади. Тез ривожланаётган компанияга ихтиёрий равишда келганлардан бири етмиш ёшли Бен. Оптимист пенсионер ишлашга ва янги нарсаларни ўрганишни хоҳлайди. Жулс ва Бен ўртасида кутилмаганда ишончли дўстлик ўрнатилади ва бу уларнинг ҳар бирига муҳим нарсаларни ўргатади.
«У буни қандай қилишини билмайман» (2011)
Замонавий дунёда аёл учун ҳамма нарсага улгуриш осон эмас: доим яхши кайфиятда бўлиш, болаларни тарбиялаш, оила фаровонлигини таъминлаш ва эрига доим эътиборли бўлиш. Биз шунга қарамай, барча қуёнларга эргашишга муваффақ бўлган бундай аёлларга ҳайрат билан қараймиз. Сара Жессика Паркер қаҳрамони — фонд менежери ва икки фарзанднинг онаси узоқ вақт давомида ақбовар қилмайдиган тарзда карьера ва оилани уйғунлаштиришга муваффақ бўлади. Аммо буларнинг ҳаммасига вақт етмайди, баъзида қатъий талаблар қўйиш керак. Эҳтимол, ҳатто қурбонлик қилиш ҳам мумкин. Бош қаҳрамон иш ва оила ўртасидаги мувозанатни топиши лозим.
Изоҳ (0)