Жанубий Корея президенти Юн Сок Ёл Сеулдаги фожиа муносабати билан миллий мотам эълон қилди ҳамда қурбонлар ва қурбонларнинг оила аъзоларига ҳамдардлик билдирди.
Сеулдаги тиқилинч пайтида ҳалок бўлганлар сони, сўнгги маълумотларга кўра, 151 кишига етган, 82 киши жароҳатланган. Қурбонлар орасида икки нафар хорижлик бор, яна 15 нафари жароҳатлангани айтилмоқда.
Расмий маълумотларга кўра, бедарак йўқолганлар ҳақида 350 га яқин хабар келиб тушган. Маълумотлар полицияга топширилган.
Маълумот учун, кеча, 29 октябрь куни Жанубий Корея пойтахти Сеул шаҳри марказида Хеллоуин байрамини нишонлаш вақтида юз берган тиқилинч сабаб одамлар юрак хуружига учраган эди.
Таъкидланишича, ҳолат Сеул марказидаги Гамилтон меҳмонхонаси яқинида содир бўлган. Жабрланганларга барча зарур ёрдамлар кўрсатилган.
Тарқалган кадрларда кўплаб одамлар шаҳар бўйлаб сайр қилаётганини кўриш мумкин. Фуқаролар эса бир-бирларига жуда яқин масофада ҳаракатланган, чунки кўчалар одамлар билан гавжум бўлган.
Агентликнинг маҳаллий ОАВга таяниб хабар беришича, оломон барлардан бири томон ҳаракатланган, у ерга исми ошкор этилмаган машҳур шахс борган.
Мавзуга доир: Сеулда Хеллоуин байрамини нишонлаш вақтидаги тиқилинч оқибатида 120 киши вафот этди — Yonhap
Изоҳ (0)