Киприкларни қандай қилиб табиий равишда узун, қалин ва қайрилган тарзда ўстириш мумкин? «Новий очаг» нашри бу борада фойдали маслаҳатлар билан бўлишди.
Душ қабул қилгандан кейин киприкларни таранг
Махсус тароқ ёки эскирган туш чўткаси билан киприкларни тараш тавсия этилади. Сабаби улар иссиқ нам ҳавода бир-бирига ёпишиб қолади.
Соч бальзамини киприкларга суртинг
Соч учун мўлжалланган барча воситалар киприкларга ҳам ёрдам беради. Киприкларга бальзам ёки кондиционер суртиб, бир неча дақиқадан кейин ювиш мумкин.
Киприкларни махсус шампунь билан ювинг
Албатта, киприклар учун алоҳида шампунь ишлаб чиқилмаган. Аммо болалар учун мўлжалланган шампунлар киприк учун мос келади.
Киприкларга канакунжут мойини суртинг
Канакунжут ёғи таркибида рицинолейин кислота мавжуд бўлиб, у соч фолликуласининг асосига кирганда қон оқимини оширади ва толаларнинг тез ўсишини рағбатлантиради.
Биотин қабул қилинг
Ёки B гуруҳи витаминларини қабул қилиш керак. Киприклар қалинлашади ва камроқ тўкилади, тирноқ ва сочлар мустаҳкамланади, ҳуснбузар йўқолади ва энг муҳими, кайфият яхшиланади.
Тушни киприкларни қайригандан кейин қўлланг
Агар киприк қайриш воситасидан фойдалансангиз уни туш суртмасдан аввал бажариш лозим. Акс ҳолда киприкларга кўпроқ зарар етади.
Фойдаланишдан олдин қисқичларни иситиб олинг
Киприк қайрувчи қисқични фен ёрдамида бироз иситиш киприкларнинг мукаммал кўринишига ёрдам беради.
Киприк қайрувчи қисқични иложи борича камроқ ишлатинг
Киприклар узун ва қалин бўлиши учун қисқичлардан камроқ фойдаланиш лозим. Акс ҳолда уларга зарар етади ва тўкилишни бошлайди.
Сифатли тушдан фойдаланинг
Туш таркибида асал муми ва пантенол бўлиши лозим, агар тушда намлантирувчи ёки озиқлантирувчи белги бўлса, ундан ҳам яхшироқ.
Болалар упасидан фойдаланинг
Киприкларни табиий равишда қалин кўрсатиш учун бир маротаба қўлланган туш устидан болалар упасини сепиш лозим. Сўнгра туш иккинчи маротаба қўлланади ва киприклар қалин кўринишни ҳосил қилади.
Тушни яхшилаб ювиб ташланг
Ҳеч қачон туш суртилган киприклар билан уйқуга кетманг. Уларни махсус мицеляр суви билан тозаланг. Шунингдек, кўз четида туш қолдиқлари қолмаганини текшириб кўринг. Акс ҳолда у кўзда аллергия ва киприклар учун хавф туғдиради.
Тушни ҳар уч ойда ўзгартиринг
Туш уч ой давомида тугамаса-да, ундан мунтазам фойдаланиш мобайнида бактериялар кўпаяди. Бу тушнинг таркибини ўзгартириб, киприкларни кўпроқ тўкилишига олиб келади.
Изоҳ (0)