Шампунь энг кенг тарқалган соч парвариш қилиш маҳсулотидир, лекин ҳар куни йўл қўйиладиган хатоларнинг аксарияти ундан фойдаланиш билан боғлиқ. Marie Claire нашри ушбу хатоларнинг бир нечтасини маълум қилди.
Нотўғри танланган шампунь
Шампунь танлаш унчалик қийин эмас — бир нечта асосий қоидаларга амал қилиш кифоя. Агар бош тез кир бўлса, соч ва бош терисини чуқур тозалашга қаратилган ҳажм берувчи шампунни қўллаш тавсия этилади. Агар турмак 2-3 кунгача турса, намлантирувчи воситалардан хавфсиз фойдаланиш мумкин.
Жиддий шикастланган сочлар бўлса, қайта тикловчилардан фойдаланиш керак. Бу интенсив парвариш қилишни талаб қиладиган сочлар учун муҳимдир. Қазғоқ пайдо бўлганда, биринчи навбатда трихолог билан маслаҳатлашиш зарур.
Сочни кечаси ювиш
Куннинг қайси қисмида соч ювиш бу барчанинг ўзига боғлиқ. Аммо вақт йўқлиги сабабли, буни тўғридан-тўғри ётишдан олдин бажариш ва кейин ҳўл бош билан ётиш керак эмас. Эрталаб кечқурундан кўра яхшироқ, бу сартарошларнинг бу борадаги асосий маслаҳати, чунки соч турмаклари эрталаб кечқурунгига қараганда чиройли кўринади. Чунки сочлар ухлаш вақтида муқаррар равишда деформацияланиши мумкин.
Бош терисини етарли даражада тозаламаслик
Сочни ювиш учун бу жараёнда асосий нарса бош терисини тозалаш эканини тушунишдир. Сочни шампунлаш давомида кўпрқ бош терисини массаж қилиш керак. Шампунь қолдиқлари ҳам кучли сув босими остида бир хил массаж ҳаракатлари билан ювиб ташланади. Ювгандан кейин бош терисининг тозалигини текшириб кўриш тавсия этилади.
Кондиционер ҳақда унутиш
Соч учун кондиционердан фойдаланиш тавсия этилади. Шампуньдан кейин сочлар, яъни уларнинг ҳимоя қатлами очиқ ҳолатда қолади. Кейинчалик сочлар соғлом ва порлоқ кўриниши учун уни ёпишга ёрдам бериш муҳимдир.
Сақлаш шартларига риоя қилмаслик
Агар шампунь таркибида жуда кўп органик компонентлар бўлса, уни ваннага яқин қўймаслик ёки душда сақламаслик керак. Сув буғининг юқори ҳарорати шампуннинг сақлаш муддатини ва унинг таркибига киритилган компонентларнинг самарадорлигини пасайтиради. Шунинг учун маҳсулотнинг сув билан узоқ муддатли ўзаро таъсиридан кейин қадоқларда кўрсатилган натижага эришиб бўлмайди.
Изоҳ (0)