«Дарё» нашри 28 октябрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Путин Жанубий Кореяни Украинага қурол етказиб бериш Россия билан муносабатларни бузиши ҳақида огоҳлантирди.
Сеулнинг Украинага қурол-яроғ ва ўқ-дорилар етказиб бериш қарори Россия ва Корея ўртасидаги муносабатларга путур йэтказиши мумкин. Бу ҳақда Россия президенти Владимир Путин айтиб ўтди, деб ёзади «Интерфакс».
«Бизнинг Корея билан алоқаларимиз жуда дўстона. Ва биз доим Корея билан ҳам, КХДР билан ҳам мулоқот олиб бориш имкониятига эга бўлганмиз. Аммо ҳозир бизга маълум бўлишича, Корея Украинага қурол-яроғ ва ўқ-дори етказиб беришга қарор қилган. Бу муносабатларимизни бузади», — деди у «Валдай» халқаро муҳокама форуми ялпи сессиясида нутқ сўзлар экан.
«Биз Шимолий Корея билан ядро йўналишида ҳамкорликни қайта тикласак, Корея бунга қандай қараган бўларди?» — деган саволни ўртага ташлади Россия президенти.
Бунга жавобан Жанубий Корея президенти Юн Сок Ёл мамлакат ҳеч қачон Украинага қирғин қуролини тақдим этмаганини айтди.
«Биз дунё ҳамжамияти билан бирдамлик белгиси сифатида Украинага гуманитар ва тинчлик ёрдамини берганмиз, бироқ ҳеч қачон қирғин қуроли ёки шунга ўхшаш бирон нарса тақдим этмаганмиз», — дея президент гапларидан иқтибос келтирди Ёнхап агентлиги.Эрон янги ядро реактори қуришни бошлади
Эрон 27 октябрь куни мамлакат марказида жойлашган Исфахон шаҳрида қуввати 10 мегаваттга тенг янги тадқиқот ядро реакторини қуришга киришди, деб хабар бермоқда Tasnim агентлиги.
Реактор қурилиши бўйича лойиҳанинг очилиш маросими Эрон Атом энергияси ташкилоти раҳбари Муҳаммад Исломий иштирокида бўлиб ўтди.Агентлик қайд этишича, янги реактор ҳовузли типга тегишли. У 20 фоизга бойитилган пластинкасимон ёнилғида ишлаб, тиббиёт ва саноатда қўлланиладиган радиоизотопларни ишлаб чиқариш, нейтрон нурланиш соҳасидаги тадқиқотларни ривожлантириш ва ядровий ёнилғи учун материалларни синовдан ўтказиш мақсадларида фойдаланилади. Реакторни лойиҳалаштириш ва қуриш фақат эронлик мутахассислар томонидан амалга оширилмоқда, дейилади хабарда.
МАГАТЭ Шимолий Корея ядро синовларига тайёргарлик кўраётганини маълум қилди
МАГАТЭ (Атом энергияси бўйича халқаро агентлик) КХДРда ядро қуроли синовдан ўтказилиши эҳтимоли юзасидан хавотир билдирмоқда, деб ёзади Anadolu агентлиги.
МАГАТЭ раҳбари Рафаэл Grossи сўзларига кўра, КХДРда ядро қуроли иштирокидаги янги синовлар кучли хавотир уйғотади.Агентлик КХДРда ҳисоб бўйича еттинчи ядро синовларига тайёргарлик кўрилаётганини аниқлаган, бироқ ядровий портлаш шу яқин орада содир бўлишидан дарак берувчи белгилар йўқ.
«Ҳамма нафасини ичига ютди. Илғорроқ синовлар шуни англатадики, улар тайёргарликни ва арсенал яратишни кучайтирган. Мана шунинг учун ҳам биз буни жуда диққат билан кузатяпмиз», — деди у.
Япония, АҚШ ва Жанубий Корея КХДР ядро синовлари ўтказган тақдирда, унга «мисли кўрилмаган даражада жавоб» қайтаришга келишиб олганди.
2022 йил бошидан буён Пхеньян БМТ резолюциясини бузган ҳолда, турли масофали баллистик ракеталар иштирокида 20 дан ортиқ синовлар ўтказган.
Айни пайтда Япония АҚШдан Tomahawk ракеталарини сотиб олиш музокараларини сўнгги босқичидаЎзбекистон расмийлари Орловда сафарбарлик чақирув қоғози олган ватандошлар билан учрашди
Ўзбекистоннинг Москвадаги элчихонаси ва Ташқи меҳнат миграцияси агентлигининг Россиядаги ваколатхонаси вакилларидан иборат ишчи гуруҳ Орловда сафарбарлик чақирув қоғози олган ўзбекистонликлар билан учрашди.
Ташқи меҳнат миграцияси агентлигининг маълум қилишича, ватандошлар билан бир қаторда улар ишлаётган ташкилот раҳбари билан ҳам суҳбатлашилган. Ўзбекистонлик меҳнат мигрантларига хатолик туфайли сафарбарликка жалб қилиш учун чақирувлар берилган. Бу ҳақда иш берувчидан расмий хат олинди.
Агентлик ўзбекистонлик меҳнат мигрантларидан яна бир бор ҳарбий ҳаракатларга аралашмасликни, низоли ҳудудларга бормасликни ҳамда бундай ҳолатларга дуч келса, Ташқи меҳнат миграцияси агентлиги ва бошқа ваколатли ташкилотларга мурожаат қилишларини сўради.
Изоҳ (0)