O‘zbekiston rasmiylari Orlovda safarbarlik chaqiruv qog‘ozi olgan vatandoshlar bilan uchrashdi (video)
O‘zbekistonning Moskvadagi elchixonasi va Tashqi mehnat migratsiyasi agentligining Rossiyadagi vakolatxonasi vakillaridan iborat ishchi guruh Orlovda safarbarlik chaqiruv qog‘ozi olgan o‘zbekistonliklar bilan uchrashdi.
Tashqi mehnat migratsiyasi agentligining ma’lum qilishicha, vatandoshlar bilan bir qatorda ular ishlayotgan tashkilot rahbari bilan ham suhbatlashilgan. O‘zbekistonlik mehnat migrantlariga xatolik tufayli safarbarlikka jalb qilish uchun chaqiruvlar berilgan. Bu haqda ish beruvchidan rasmiy xat olindi.
Rossiya prezidenti qaroriga muvofiq, chet el fuqarolarini safarbarlikka jalb qilish mumkin emasligi yuzasidan tushuntirishlar berildi hamda O‘zbekiston fuqarolarining ish va yashash sharoitlari bilan tanishildi.
Agentlik o‘zbekistonlik mehnat migrantlaridan yana bir bor harbiy harakatlarga aralashmaslikni, nizoli hududlarga bormaslikni hamda bunday holatlarga duch kelsa, Tashqi mehnat migratsiyasi agentligi va boshqa vakolatli tashkilotlarga murojaat qilishlarini so‘radi.
Mavzuga doir:
- O‘zbekiston fuqarolari texnik xato tufayli chaqiruv qog‘ozlari olmoqda — Rossiyadagi elchixona
- Rossiya armiyasiga chaqirishsa, migrantlar qanday yo‘l tutishi kerak?
