Россия президенти Владимир Путин бошчилигида душманнинг ядровий зарбасига жавобан ядро зарбаси бериш бўйича ўқув машғулотлари ўтказилди, деб ёзади «РБК».
Кремль қуруқлик, денгиз ва ҳаво стратегик тўхтатувчи кучлар иштирокидаги машғулотлар якунланганини маълум қилди. Унинг давомида Камчаткадаги Кура полигонида «Ярс» ва «Синева» баллистик ракеталари учирилди.«Камчаткадаги Кура полигонида Плесецк давлат синов космодромидан «Ярс» қитъалараро баллистик ракетаси, Баренц денгизидан «Синева» баллистик ракетаси учирилди. Вазифаларни амалга оширишда ҳаводан учириладиган қанотли ракеталарни учирувчи узоқ масофага учувчи Ту-95МС самолётлари ҳам иштирок этди», — дейилади Кремль сайтида.Путин Россия мудофаа вазири Шойгу ва Бош штаб бошлиғи Герасимовнинг стратегик тўхтатувчи кучларни тайёрлаш бўйича ҳисоботларини тинглади. Шойгу машғулотлардан мақсад — жавоб берувчи йирик ядровий зарбани ишлаб чиқиш эканини таъкидлади.
Бир кун аввал Пентагон матбуот котиби Пат Райдер Россия ҳар йили ўтказиладиган Гром стратегик ядровий кучларининг машғулотларини ўтказиш режалари ҳақида Қўшма Штатларни хабардор қилганини айтди. Унинг қўшимча қилишича, Вашингтонда Москва ядро қуролидан фойдаланишга тайёрланаётгани ҳақида ҳеч қандай далил йўқ.
Изоҳ (0)