Украина мамлакат Қуролли кучларининг Херсон вилоятига берган зарбаси оқибатида Қодиров полкининг ўнлаб аскарлари ҳалок бўлгани ҳақида хабар берди. Россия томонидан аннексия қилинган Мелитополда телекомпания биноси ёнида портлаш юз берди, маҳаллий ҳукумат буни теракт деб атади. Олти киши жароҳатланган. Украина расмийлари иситиш билан боғлиқ муаммолар туфайли украиналик қочқинларни баҳоргача ватанга қайтмасликка чақирди. BBC News Россия апрель ойида Николаевни сув билан таъминлайдиган ягона қувурни атайлаб портлатгани ҳақида суриштирув эълон қилди. Шаҳар олти ойдан бери тоза ичимлик сувисиз қолмоқда. Украина Хавфсизлик хизматининг даъво қилишича, Россия ҳарбийлари Беларусь ҳудудидан ўнта Shahed камикадзе дронларини учирган. Meduza урушнинг 244-кунига оид асосий фотосуратлар билан бўлишди.
Фронт чизиғидаги Баҳмут
Баҳмут устига кўтарилган тутун. Украина Қуролли кучлари хабарига кўра, шаҳар бугунги кунда Россия қўшинлари ҳужумга ўтишга ва олдинга силжишга уринаётган ягона жой. «Вагнер» ёлланма жангчилари шу йўналишда тўпланган. Баҳмут Украина қўшинларининг Донецк томон олдинга силжиши учун, рус қўшинларининг эса Дружковка, Константиновка, Краматорск ва Славянск томон юриши учун муҳим аҳамиятга эга.Фото: AFP
Баҳмутлик киши ўтин учун шох арраламоқда.Фото: AFP
Бахмут аҳолиси эвакуация автобусида. Мунтазам отишмалар туфайли аҳолининг ярмидан кўпи шаҳарни тарк этган. 24 октябрь куни навбатдаги отишмада 7 киши ҳалок бўлди.Фото: AFP
Руская Лозовая қишлоғи яқинида мина қидираётган сапёр. Украина қўшинлари апрель ойи охирида қишлоқни ўз назоратига қайтаришга муваффақ бўлди. Бу жой рус армияси учун стратегик аҳамиятга эга эди: у ердан туриб россияликлар Харьковга қарата ўт очарди.Фото: Reuters
Казачя Лопан қишлоғидаги чорвачилик ҳовлисида сапёр қишлоқ хўжалиги техникасини кўздан кечирмоқда. Россиянинг етти ойлик истилосидан сўнг қишлоқ сентябрь ойида озод қилинган. У Россия билан чегарадан икки километр узоқликда жойлашган.Фото: Reuters
Николаев вилоятидаги ҳаёт
Николаевдаги нон тарқатиладиган мактаблардан бирида навбат. Шаҳар озиқ-овқат ва ичимлик суви борасида қийин аҳволда қолмоқда. BBC суриштирувига кўра, апрель ойида рус қўшинлари Николаевга олиб борувчи қувурни атайлаб йўқ қилган. Ўшандан бери шаҳар аҳолиси тоза ичимлик сувисиз қолган.Фото: AP Photo
Кўнгиллилар Николаев вилоятининг фронтга яқин қишлоқлари аҳолиси учун ўтин ёқиладиган печкалар ясамоқда.Фото: Reuters
Николаев вилоятидаги қишлоқлар аҳолиси учун ясалган печкалар.Фото: Reuters
Николаев вилоятидаги фронт чизиғи яқин фермалардан қочиб кетган сигирлар.Фото: Reuters
Аннексия қилинган Мелитополда портлаш
25 октябрь куни Мелитополда оккупацион ҳокимият томонидан асос солинган «ЗаТВ» телекомпанияси биноси ёнида машина портлаб кетди. Олти киши, жумладан, «ЗаМедиа» медиахолдинги ходимлари жабрланди. Маҳаллий ҳукумат воқеани теракт деб атади.Фото: AFP
Изоҳ (0)