Қозоғистон президенти Қосим-Жўмарт Тўқаев Республика Жамоатчилик штабидаги ўз сайловолди ташвиқоти доирасида сўзлаган нутқида бир марталик президентлик муддатининг устун тарафларига тўхталди, деб ёзади «РБК».
«Бир марталик етти йиллик муддат жамият ва давлатдаги янгиланиш жараёнларига янги сифат ва динамика бағишлайди, ҳокимиятни монополияга олиш ва ҳатто тортиб олишга уринишлар учун ишончли тўсиқ яратади», — деди Тўқаев.
Унинг сўзларига кўра, Қозоғистон сайлов тизимидаги «кардинал ўзгаришлар» фуқароларнинг «ҳақиқий халқ» массиҳатлари (маҳаллий вакиллик органлари) ва мамлакат парламентини шакллантиришдаги иштирокини таъминлайди. Шаҳар ва туманлар ҳокимларини тўғридан-тўғри сайлаш орқали маҳаллий давлат ҳокимияти органларининг самарали тизими шакллантирилади.
Қозоғистонда навбатдан ташқари президентлик сайловлари 20 ноябрь куни бўлиб ўтади. Навбатдан ташқари сайловларни ўтказиш фикри ҳам айнан Тўқаевдан чиққан.
Изоҳ (0)