Арманистон бош вазири Никол Пашинян Озарбайжон ва Россия раҳбарлари Илҳом Алиев ва Владимир Путин билан учрашиш учун 31 октябрь куни Сочига жўнаб кетади, дея хабар берди Арманистон парламенти спикери Ален Симонян журналистларга.
Симоняннинг таъкидлашича, учрашув 31 октябрга белгиланган.
Кремль ҳозирча учрашув санаси ва вақтини эълон қила олмаслигини билдирди. «Биз аллақачон шундай уч томонлама учрашув тайёрланаётганини айтган эдик. Бу амалга ошишига умид қиламиз. Шунингдек, биз сизга ўз вақтида жой ва вақт бўйича қўшимча кўрсатма берамиз», дейди Дмитрий Песков 31 октябрдаги учрашувга тайёргарлик кўрилмоқдами, деган саволга жавобан.
24 октябрда Путин Арманистон ва Озарбайжон раҳбарларини Россиядаги уч томонлама учрашувга таклиф қилганди.
Изоҳ (0)