Буюк Британия иқтисодиёти таназзулга юз тутди — FТ

Октябрь ойида Буюк Британия иқтисодиёти юқори энергия нархлари, фоиз ставкалари ва сиёсий беқарорлик туфайли рецессия юз берди. Бу ҳақда Financial Times хабар бермоқда.

S&P маълумотларига кўра, Буюк Британиянинг ишбилармонлик фаоллиги индекси октябрь ойида бир ой аввалгига нисбатан икки поғонага тушиб, 47,1 пунктни ташкил этди. Бу «деярли икки йиллик давр» учун энг паст кўрсаткич бўлди.

Компания экспертлари индекснинг бундай кескин пасайишига Буюк Британиядаги «сиёсий беқарорлик» сабаб бўлганини кўрсатмоқда, бу эса молия бозоридаги нотинчликка олиб келди.

Бирлашган Қиролликдаги ишбилармонлик фаоллиги индекси кетма-кет учинчи ой 50 пунктдан паст, бу эса рецессия ҳақида гапиришга имкон беради, — деб таъкидлайди S&P таҳлилчилари.

Уларнинг ҳисоб-китобларига кўра, Буюк Британия ялпи ички маҳсулотининг пасайиши учинчи чоракда содир бўлади, тўртинчи чоракда эса иқтисодиётдаги салбий тенденциялар фақат кучаяди.

2022 йилда Ғарб мамлакатларида энергия нархларининг тез ўсиши натижасида юзага келган инфляциянинг рекорд даражаси қайд этилади.

Ғарбда энергетика ресурсларининг тақчиллиги Россияга қарши санкциялар жорий этилгандан сўнг, жумладан, Россиядан бир қатор ёқилғиларни етказиб бериш тақиқланганидан кейин ёмонлашди.

Аввалроқ 2008 йилдаги инқирозни прогноз қилган Рубини дунёдаги иқтисодий вазият 1970 йиллардагидан ҳам ёмонроқлигини айтгани ҳақида хабар берилганди.