Қозоғистон ҳукумати мамлакат иқтисодиётига 300 минг доллар сармоя киритган ишбилармонларга яшаш учун рухсатнома беришга тайёрланмоқда. Бу ҳақда KazTAG хабар бермоқда.
Қозоғистон президентининг 2022 йил 1 сентябрдаги мурожаатига мувофиқ, ҳозирги босқичда кўпроқ сармоя киритган хорижлик ишбилармонларга 10 йил муддатга виза олиш имкониятини беришга қаратилган қонун лойиҳасини ишлаб чиқиш ишлари олиб борилмоқда.
300 минг доллардан кўпроқ сармоя киритганлар Қозоғистонда яшаш учун рухсатнома олиш ҳуқуқига эга, — деди Қозоғистон Бош вазири ўринбосари ҳамда Савдо ва интеграция вазири Серик Жумангарин.Мавжуд корхоналарга сармоя киритиш, юқори қўшимча қийматга эга саноат маҳсулотлари ишлаб чиқариш, технологияларни ривожлантириш ва хизматлар кўрсатишга устунлик берилади.
Таъкидланишича, Қозоғистон қўшимча солиқ тушумлари ва янги иш ўринлари яратилишини таъминлайдиган сармоялардан манфаатдор.
Аввалроқ Россиядан Қозоғистонга 50 дан ортиқ халқаро компания кўчиб ўтгани маълум қилинганди.
Изоҳ (0)