2022 йилда Россия ва Ўзбекистон ўртасидаги товар айирбошлаш ҳажми 8,5 млрд долларгача ошиши прогноз қилинмоқда. Бу ҳақда Россия Саноат ва савдо вазирлиги раҳбари Денис Мантуров айтиб ўтди.
Октябрь ойида эканлигимизни инобатга олсак ва статистик маълумотларга кўра, январь—сентябрь ойларидаги натижалар мамлакатларимиз ўртасидаги товар айирбошлаш ҳажми 5,3 миллиард долларни ташкил этади. Шубҳасиз, бу ўтган йилгидан юқори бўлади, чунки ўсиш аллақачон 37 фоизга етди, — деди жаноб Мантуров Россия ва Ўзбекистон ўртасидаги ҳамкорлик бўйича ҳукуматлараро комиссия йиғилишидан кейинги матбуот анжуманида.
Вазирнинг сўзларига кўра, йил охиригача товар айирбошлаш ҳажмини 8,5 миллиард долларгача ошириш прогноз қилинмоқда. 2021 йилда бу кўрсаткич 7,5 млрд доллар бўлган.
Унинг таъкидлашича, Россиянинг Ўзбекистон иқтисодиётига киритган сармоялари ҳажми 10 миллиард долларгача ошган, нефть-газ саноати ва энергетика, шунингдек, телекоммуникация ва қишлоқ хўжалиги соҳаларига инвестициялар киритилган.
Август ойида Россия Ўзбекистон билан ташқи савдо ҳажми бўйича Хитойдан кейин иккинчи ўринда турган эди. Сентябрь ойида эса мамлакат Хитойни импорт бўйича ортда қолдирди.
Мантуровнинг сўзларига кўра, Россия Ўзбекистон автомобиль бутловчи қисмларини етказиб беришдан манфаатдор.
Июль ойида Денис Мантуров компанияларга Ўзбекистондан Россияга автомобилларни параллел импорт схемалари бўйича олиб киришга рухсат беришни таклиф қилган эди.
Изоҳ (0)