«Муҳташам юз йил» сериалида султон Сулаймон ва Хуррам султоннинг қизи Меҳримоҳ ролини гавдалантирган Пелин Карахан турк кино оламида ўз ўрнига эга актрисалардан бири ҳисобланади. «Lisa.ru» нашри актрисаниниг ҳаёти ва ижод йўли ҳақида маълумот берди.
Отасиз вояга етган актриса
Актриса Пелин Карахан Анқарада кино олами билан алоқаси бўлмаган оддий оилада туғилган. Пелиннинг ота-онаси у саккиз ойлик бўлганида ажрашган. Бўлажак актрисанинг тарбияси билан фақат онаси шуғулланган.
«Отасиз ўсганимга қарамай, менда эркинлик етарли эди. Онам билан барча қайғу ва муаммоларни бирга бошдан кечирдик. Кейинроқ онам яна турмушга чиқди ва синглим дунёга келди. Авваллари ажрашган, ёлғиз ўзи болаларини тарбиялаётган аёлга бошқача қаралар эди. Бундай аёл ва унинг болалари ўша пайтда ночор ва ҳимоясиз ҳисобланган. Онам ҳеч қаерда ўқимаган бўлса ҳам, узоқ вақт интерьер дизайнери бўлиб ишлади. Биз молиявий қийинчиликларни бошдан кечирдик », — дейди актриса.
Туризм бўйича мутахассис
Карахан мактабни тугатгач, университетга ўқишга кирди, бироқ у ижодий мутахассисликни танламади, яъни актриса туризм ва меҳмонхона бизнесини ўргана бошлади. Актриса бу соҳада диплом ололмайди, чунки у кинога қизиқиб қолади.
Университетдаги иш
Пелин аввал университетда ишлаши, талабаларга дарс бериши керак эди. Дастлаб унинг кино соҳасига кириши қийин бўлган. У ўз фаолиятини мода бўйича журналлар ва рекламаларда суратга тушишдан бошлаган.
Психологга бўлган эҳтиёж
Актриса «Орзу қилувчилар» сериали орқали машҳурликка эришди. Сериални суратга олиш жараёнлари беш йил давом этган ва уч йилдан кейин Пелин ўзининг кимлигини — Пелинми ёки Аслими тушунмай қолди. Актриса ўзини тушуниш учун психологга мурожаат қилиши керак эди.
«Мен узоқ вақт ишлашим керак эди. Тушкунликка туша бошладим, психологик муаммоларим бор эди. Мен психологга мурожаат қила бошладим. Қаҳрамонимнинг исми Асли эди. Сериал мухлислари мени кўчада кўриб, менга эмас, Аслига мурожаат қилишди. Мен кимлигим ҳақида ўйлай бошладим», — деб шикоят қилган Карахан.
Машҳурлик келтирган рол
Актриса 2011 йилда «Муҳташам юз йил» сериалида рол ўйнай бошлади, бу эса актрисанинг бутун дунё бўйлаб машҳурликка эришишига сабаб бўлди. Кўп қисмли тарихий сериалда актриса султон Сулаймоннинг ва унинг рафиқаси Хуррам султоннинг ягона ва севимли қизи Меҳримоҳ ролини ижро этди. Меҳримоҳ оиласи учун ва онасининг талабига биноан, ўзи ёқтирмаган Рустам Пошога турмушга чиқиши керак эди.
Биринчи турмуш
Турк кино юлдузининг биринчи турмуш ўртоғи фитнес ва пилатес бўйича мураббий бўлган. Жуфтлик Барселонада дабдабали тўй қилишган ва уларнинг фотосуратлари кўплаб турк журналларининг муқоваларида чиққан.
Ажралиш
Бироқ бу турмуш қисқа умр кўрди ва тез орада жуфтлик ажрашаётгани маълум бўлди. Айрилиқ Караханнинг хиёнати туфайли бўлган, деган миш-мишлар тарқалган. Бироқ актриса бу тахминларнинг барчасини рад этган.
Актрисанинг иккинчи турмуш ўртоғи билан учрашуви
Пелин 2014 йилда бизнесмен Бедри Гюнтойга турмушга чиқди. Жуфтлик спорт клубида учрашган: Бедри актрисанинг дўстлари билан қайси тизза фиксаторларини сотиб олиш ҳақида маслаҳатлашганини эшитиб қолади. У Караханнинг телефон рақамини топиб, унга қўнғироқ қилади, учрашишни таклиф қилади ва учрашувда у ўша тизза фиксаторларини актрисага совға қилади.
Бахтли турмуш
Кейинчалик актриса Гюнтойда ўзи излаган инсонни кўрганини айтган. Бугунги кунда жуфтлик жуда бахтли ва уларнинг икки ўғил фарзанди бор.
Энг яхши нарсаларга ишониш
Пелиннинг тан олишича, у ҳар доим муваффақиятли мартаба ва шахсий ҳаётга эга бўлишини билган. У бунга жуда қаттиқ ишонган ва бу нияти амалга ошган.
«Менга ғамхўрлик ва ҳимоя қиладиган инсонни қидирдим. Бундай инсон билан учрашишга муваффақ бўлганимда, уни йўқотишни хоҳламадим. Ота-онаси ажрашган кўплаб болалар турмуш қуриш уларни бахтли қилишига ишонмайди. Бироқ менда бунинг акси бўлган. Болалигимдан оилам бўлишини хоҳлардим», — деди актриса.
Мавзуга доир:
Изоҳ (0)