Ўзбекистон ва Туркманистон давлат раҳбарлари Афғонистонда вазиятни тез фурсатда барқарорлаштириш ва муҳим инфратузилма лойиҳаларини илгари суришга қаратилган саъй-ҳаракатларни кенгайтиришга келишиб олди. Бу ҳақда икки давлат раҳбарлари ўртасидаги музокаралар якуни бўйича ОАВ учун ўтказилган брифингда маълум қилинди.
Брифингда давлатларнинг халқаро ва минтақавий сиёсатнинг долзарб масалалари юзасидан позициялари муштарак экани қайд этилди. БМТ, ЕХҲТ, МДҲ, ШҲТ, ТДТ, ОҚХФ ва бошқа кўп томонлама тузилмалар доирасидаги фаол ҳамкорлик давом эттирилади.
«Биз Марказий Осиё давлат раҳбарларининг Маслаҳат учрашуви доирасидаги минтақавий ҳамкорликни бундан буён ҳам мустаҳкамлашга келишиб олдик, — деган Ўзбекистон президенти.
Шавкат Мирзиёев Туркманистон президенти ва у орқали қардош туркман халқига самимий меҳмондўстлик учун миннатдорлик билдирди. Сермаҳсул музокаралар натижалари Ўзбекистон ва Туркманистон ўртасидаги дўстлик, яхши қўшничилик ва стратегик шериклик ҳар томонлама мустаҳкамланишига хизмат қилишига ишонч билдирди.
Мавзуга доир:
Изоҳ (0)