«Дарё» интернет-нашри ҳамда Тошкент шаҳри ҳокимлиги қошидаги Жамоатчилик кенгаши ҳамкорлигида ташкил этилган «Маҳалла. Муаммо. Мулоҳаза» лойиҳасининг 3-сони меҳмони адлия вазирининг давлат тили масалалари бўйича маслаҳатчиси, блогер Шаҳноза Соатова бўлди. Кўрсатувнинг бу галги мавзуси — ўзбек тилини ўрганиш муаммолари.
Кўрсатув давомида Шаҳноза Соатова давлат тилини ривожлантириш бўйича амалга оширилиши зарур бўлган ишларга тўхталиб, унга доир барча саволларга жавоб берадиган универсал портал очиш фикрини илгари сурди:
Ўзбек тилида ҳамма саволларга жавоб бероладиган битта яхши электрон портал керак. Сайтга кирган одам луғатни ҳам, этимологияни, тил тарихини, имлони, қисқартма сўзларнинг кенгайтмаларини ҳам ўша ердан тополса; ўша ерда онлайн маслаҳатчи ўтирса, сайтдан тополмаган маълумотингни сўраганда, жавоб берса. Бу ҳам керак.Унинг таъкидлашича, ҳолатни яхшилаш учун тил борасида берилган биргина топшириқни шунчаки бажариб қўйишгина эмас, аксинча тизимли ўзгаришларни амалга ошириш керак.
Нечта фармон-у қарорлар қабул қилинди, тил тўғрисида қанча топшириқлар бажарилди, ҳисоботлар берилди, ёпилди. Лекин нега ўзгаришлар кам? Чунки топшириқларнинг тизимлилиги, давомийлиги таъминланмаган.Тил ўргатувчи битта сайтни очиб қўйиш мумкин. Лекин унинг устида таҳририят ишлаш керак, мутахассислар жалб қилиниши керак, уларга доимий ресурс бериш керак, маблағ ажратиш керак. Мана шундай давомий лойиҳаларимиз йўқ, — дейди блогер.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)