«Коко сири» мультфильмида Коконинг бувиси прототипига айланган Мария Салуд Рамирес Кабалеро Мексиканинг Мичоакан штатида вафот этди, деб хабар бермоқда «Правила жизни» нашри. Мексикалик аёл 16 сентябрь куни 109 ёшни қарши олган ва у туғилган кунини оиласи билан нишонлаган. Мичоакан расмийлари унинг ўлими сабабини аниқламаган.
«Коко сири» мультфильми 2017 йилда премьера қилинган. Анимацион фильмнинг сюжети ўлганлар хотирасига бағишланган ва Мексикада «Марҳумлар куни» байрами ҳақидаги воқеалардан иборат. Ушбу мультфильм «Энг яхши анимацион фильм» ва «Фильм учун энг яхши қўшиқ» номинацияларида «Оскар» мукофотига сазовор бўлган.
Лойиҳа муаллифлари Мария Кабалеро билан Мексика штатлари бўйлаб саёҳат қилган пайтда «Марҳумлар куни» анъаналарини ҳужжатлаштириш мақсадида учрашишган. Экипаж аъзолари бир нечта маҳаллий оилалар, жумладан, Кабалеро оиласи билан яшаган, деб хабар беради, El Pais нашри. Мультфильмда мексикалик аёл яшаган Санта-Фе-де-ла-Лагуна аҳоли пунктининг черков ва бир қанча кўчалари тасвирлари ҳам ишлатилган.
Мавзуга доир: «Коко сири» мультфильмининг биринчи трейлери тақдим этилди (видео).
Изоҳ (0)