Бурун бўшлиғи, томоқ оғриғи, йўтал ва ёшланган кўзлар — агар сизда шу каби аломатлар кузатилса шамоллаганингизни дарҳол биласиз. Бироқ вирусли касалликларнинг жуда эрта намоён бўладиган айрим белгилари борки, улар оддий шамоллашнинг белгиларига ўхшамайди ва агар сиз бу касалликни юқтирган бўлсангиз, белгилар шамоллаганингиз ҳақида сизни огоҳлантириши мумкин. «Новий очаг» нашри шамоллашдан олдин юзага келадиган илк белгилар ҳақида маълумот берди.
Ғайриоддий тушлар
Бир вақтнинг ўзида бир нечта тадқиқотлар даҳшатли тушлар ёки эсда қоларли тушлар ўртасидаги ғалати сюжет билан боғлиқлигини тасдиқлади. Шифокорларнинг фикрига кўра, ҳолат ҳароратнинг кўтарилиши билан боғлиқ, бу эса чуқур уйқу пайтида миянинг фаоллашиши ва шу билан ғайриоддий ва эсда қоларли тушларни юзага келтириши мумкин. Шундай экан, агар сиз кеча-ю кундуз ғайриоддий «фильмлар» томоша қилаётган бўлсангиз, соғлиғингизни текшириб кўринг.
Овқатларнинг таъми ўзгаргандек туюлади
Нафақат тил, балки бурун ҳам севимли ичимликларимиз ва овқатларимизнинг таъмини аниқлашга ёрдам беради — турли манбаларга кўра, таъм ҳақидаги барча маълумотларнинг 75 фоиздан 95 фоизгача ҳид ёрдамида оламиз. Бурун нормал нафас олишни тўхтатгандан сўнг, таъмни сезиш қобилияти пасаяди ва бундай ҳолатда одатдаги эрталабки қаҳва ёки шарбат мазасиз бўлиб туюлиши мумкин. Агар сизга эрталабки қаҳвангизда бирор нарса бошқача бўлиб туюлса, қаҳва қайнатгични алмаштиришга шошилманг — эҳтимол сизда шамоллаш аломати бўлиши мумкин.
«Зарарли» овқатларни истеъмол қилиш
Касаллик — биз ва танамиз учун доимо стрессли ҳолат ҳисобланади. Стрессга дуч келганимизда, тезда ўзимизни яхши ҳис қилишга ёрдам берадиган нарсани қидирамиз ва бу кўпинча шакар ёки тез сингувчи углеводлар бўлиши мумкин. Бироқ аслида, бу каби ҳолатларда бизга апельсин, асал ва лимонли чой ёки бир пиёла товуқли шўрва — иссиқ ва C витаминига бой нарсалар ёрдам беради. Агар эрталаб «мумкин бўлмаган» нарсаларни қилсангиз, апельсин истеъмол қилинг ва шамоллаганингизни текширинг.
Чанқаш
Шамоллаш пайтида танамиз йўтал ва аксириш, шунингдек, бурун оқиши туфайли сувни фаолроқ йўқотади. Бундан ташқари, ҳароратнинг енгил кўтарилиши (худди шу ҳарорат 37.2) ҳам тананинг сувсизланишига олиб келади ва ташналикни келтириб чиқаради. Ичишингизда ишонч ҳосил қилинг (ва яхшиси мевали ичимликлар ёки лимонли илиқ чой ичинг), бироқ танага ортиқча юк тушмаслиги учун уларнинг миқдорини ҳаддан ташқари оширманг.
Ғайриоддий бош оғриғи
Вирусли касалликларнинг яна бир «классик» белгиси — мушак оғриғидир. Бироқ баъзида касаллик пайтида бош териси сезгир бўлиб қолади ва беморлар, масалан, сочларини тараш ёки ювиш пайтида оғриқни ҳис қилишади. Ушбу аломат синусит, яллиғланиш ёки бурунни қоплайдиган тўқималарнинг шишиши ҳақида огоҳлантириши мумкин. Шунинг учун, агар бош териси жуда сезгир бўлиб қолса, соғлиғингизга эҳтиёт бўлинг.
Мавзуга доир:
Изоҳ (0)