Пиёз тозалаш ва тўғрашни ошхонадаги ёқимли ишлар сирасига киритиб бўлмайди. Чунки пиёз «кўз ёш тўкиш»га мажбур қилади. «Lisa.ru» нашри ушбу жараён давомида «йиғлаш»ни тўхтатишга ёрдам берадиган лайфхаклар билан бўлишди.
Кўз ёшларини келтириб чиқаришга лакриматор эфир моддалари сабаб бўлади. Ушбу кимёвий моддалар гуруҳи сабзавотни тўғраш — ҳужайралари зарарланганда чиқарилади. Улар шиллиқ қаватга тушиб, намлик билан ўзаро таъсирга киришади, ўзидан олтингугурт ажралгач ачишиш хусусиятини келтириб чиқаради. Ачишиш ўз навбатида, кўз ёшларини фаол равишда чиқаришга ёрдам беради. Бунинг олдини олиш учун фақат лакриматорларнинг фаоллигини камайтириш керак.
Музлатиш
Пиёз, пичоқ ва тахтакачни совиткичга 5-7 дақиқа ёки ярим соат давомида музлаткичга қўйиш керак. Олтингугурт бирикмаларининг чиқишини камайтириш учун сабзавот совиши лозим. Агар етарли вақт бўлмаса, пиёзни совуқ сув оқими остида ушлаб туриш мумкин. Натижада лакриматорлар эрийди ва кўзни ачиштирмайди.
Қиздириш
Пиёзни катта бўлакларга бўлиб, қайноқ сувга бир неча дақиқа қўйиш керак. Кейин уни олиб ташлаб, таомга қўшиш мумкин. Қайноқ сув муаммодан қочишга ёрдам беради, буғ кўздан ёш чиқарувчи газни тарқатади.
Ўткир пичоқ
Ўткир пичоқ ёрдамида пиёзни тўғраш камроқ ҳужайраларга зарар етказади ва ҳавога камроқ муҳим бирикмалар чиқаради. Бундан ташқари, тўғраш жараёни тезлашади, бу эса салбий моддаларнинг таъсирини камайтиради.
Кўзойнак
Ошхонада сузиш учун аксессуарлар ёрдам бериши мумкин бўлган ҳолат. Сузиш кўзойнаклари терига маҳкам ёпишади ва кўзларни мукаммал ҳимоя қилади.
Ёғоч қошиқ
Бу илмий эмас, балки халқона усулидир. Тўғраш пайтида қошиқ оғизда ушлаб турилса, ёғоч кўздан ёш чиқарувчи газни ўзлаштиради, деган қараш мавжуд. Бу усул ноқулайлиги билан самарасиз ҳам бўлиши мумкин.
Бир стакан сув
Лакриматорлар сувда яхши эрийди. Пичоқни тез-тез намлаш учун бир стакан сув қўйиш тавсия этилади.
Шам
Иссиқлик манбаси ёки шамдан фойдаланиш мумкин. Асосийси, иссиқ ҳаво зарарли моддалар концентрациясини кўзларга етиб боргунча камайтиришга ёрдам беради.
Изоҳ (0)