Катта ёшли актёрлар фильмларда ўзларидан анча ёшроқ образларни ўйнашлари одатий ҳол эмас. Иқтидорли актёрлар буни шу қадар усталик билан бажарадиларки, томошабинлар ёшдаги тафовутни сезмайдилар ҳам. AdMe нашри кино юлдузлари ўзлари тасвирлаган қаҳрамонлар билан бир хил ёшда бўлганида аслида қандай кўринишга эга бўлишларини кўрсатади.
Женнифер Лоуренс — Кетнисс Эвердин, «Ҳаёт-мамот ўйинлари»
«Ҳаёт-мамот ўйинлари» трилогиясининг 1-қисмида бош қаҳрамон Кетнисс 16 ёшда. Уни 21 ёшли Женнифер Лоуренс ўйнайди. Аммо актриса бу ролни шу қадар моҳирлик билан ижро этадики, томошабин ёшлар орасидаги фарқни пайқамайди ҳам.
Кейт Уинслет — Марианна Дешвуд, «Ақл ва ҳиссиёт»
1995 йилда Жейн Остиннинг «Ақл ва ҳиссиёт» асарининг экранлаштирилган вариантида Кейт Уинслет опа-сингил Дешвудларнинг ўртанчаси — Марианани ўйнайди. Ўшанда қаҳрамон 16 ёшда, актрисанинг ўзи эса 20 ёшда эди.
Аня Тэйлор-Жой — Бет Ҳармон, «Қироличанинг юриши»
2020 йилда машҳур «Қироличанинг юриши» фильми экранларга чиқди. Унда иқтидорли шахматчининг болалик, ўсмирлик ва ёшлик йиллари кўрсатилган. Бош ролни ўйнаган Аня Тэйлор-Жой эса қаҳрамонни ёшлигида ҳам, етук ёшида ҳам ажойиб тарзда тасвирлаган.
Никол Кидман — Сатин, «Мулен Руж»
Баз Лурманнинг сеҳрли мюзикли 2001 йилда экранларга чиққан. Ўша пайтда Никол Кидман 33 ёшда эди, лекин у анча ёшроқ бўлиши керак бўлган машҳур раққоса Сатин ролини муваффақиятли ижро этади.
Сирша Ронан — Кристин Макферсон, «Бёрд хоним»
Комедияли драма сюжетининг марказида Бёрд хоним лақабли 17 ёшли ўрта мактаб ўқувчиси Кристин туради. Картина экранларга чиқарилганда Сирша Ронан 23 ёшда эди. Фильмдаги роли учун актриса кўплаб нуфузли мукофотларга номзод бўлган ва ёшдаги тафовут бунга халақит бермаган.
Лили Коллинз — Рози Данн, «Муҳаббат ила, Рози»
Лили Коллинз ҳам «Муҳаббат ила, Рози» комедиясида ўрта мактаб ўқувчисига айланишда ҳеч қандай муаммога дуч келмайди. Фильм бошида бош қаҳрамонлар 18 ёшдан ошмайди. Комедия чиққанида актриса 25 ёшда эди, лекин у мактаб ўқувчиси қиёфасида жуда табиий кўринарди.
Мэтт Деймон — Скотт Торсон, «Шамдон ортида»
«Шамдон ортида» биографик драмасида Мэтт Деймон деярли имконсиз ишни қилди — у қаҳрамондан 25 ёш катта бўлган 18 ёшли мураббий Скотт Торсон ролини ажойиб тарзда ижро этди.
Жулия Робертс — Элизабет Гильберт, «Е, ибодат қил, сев»
«Е, ибодат қил, сев» романтик драмаси ёзувчи Элизабет Гильбертнинг хотиралари асосида яратилган. Сюжетга кўра, дунё бўйлаб саёҳат қилаётган қаҳрамон 34 ёшда. Экрандаги персонажни гавдалантирган мафтункор Жулия Робертс эса суратга олиш пайтида 43 ёшда эди.
Одри Хепбёрн — Холли Голайтли, «Тиффанида нонушта»
«Тиффанида нонушта» романтик комедия сюжетининг марказида мафтункор қиз 19 ёшли Холли Голайтли туради. Суратга олиш пайтида мафтункор Одри Хепбёрн 30 ёшдан ошган эди.
Изоҳ (0)