«Гарри Поттер» фильмида Драко Малфой ролини ижро этган актёр Том Фелтон франшизанинг суратга олиш жараёнларида эътибор қаратган ғайриоддий ҳолат ҳақида гапириб берди.
Фильмда Дэниэл Редклифф, яъни Гарри Поттер квиддич ўйнаш ва супурги устида учиш саҳналарида диққатини жамлаш учун севимли актрисаси Камерон Диаснинг суратидан фойдаланган. Суратга олиш жараёнлари хромакейда (яшил фонда) амалга оширилди. Режиссёр туйғуларни аниқ етказиш учун образлаштирилган теннис тўпларидан фойдаланган.
«Режиссёр ёрдамчиси ‘Аждаҳў ёки ‘Бладжер’ деб бақирганда, теннис тўпига худди аждаҳо ёки бладжер каби қараш керак эди. Биз бирор нарсанинг ёки қалбимизга яқин кишининг суратларини танладик. Дэниэл Редклифф гўзал Камерон Диаснинг суратини қўлига олди», — дейди Фелтон.
Актёр Том Фелтоннинг «Сеҳрли таёқча ортида: жоду ва тартибсизликда ўсган сеҳргар» («Beyond the Wand: The Magic and Mayhem of Growing Up Wizard») номли хотира китоби 18 октябрь куни сотувга чиқди. Китобда актёр Эмма Уотсонни, яъни Гермиона Гренжерни яхши кўриб қолиши, гиёҳвандликка қарши кураш ва ёзувчи Жоан Роулинг билан муносабатлари ҳақида гапириб берди.
Мавзуга доир:
- Дениел Редклифф «Гарри Поттер» фильмидан 110 миллион доллардан ортиқ гонорар олгани маълум бўлди.
- Саратон, битлаш, қовурға синиши. «Гарри Поттер» фильмининг актёр ва актрисалари суратга олиш майдончасида дуч келган қийинчиликлар.
- Гарри Поттер — Дэниэл Редклифф актёрликни тарк этиб, режиссёрликда ўзини синаб кўрмоқчи.
- Фақат Эмма Уотсон, Дэниэл Редклифф ёки Руперт Гринт эмас: «Гарри Поттер»даги актёр болалар қанчалик ўзгарган?
Изоҳ (0)