Қозоғистон президенти Қосим-Жўмарт Тўқаев «Россиянинг 2014 йилда Украинага қилган тажовузини жамоатчилик олдида инкор этгани» учун Украинанинг «Тинчликпарвар» веб-сайти маълумотлар базасига киритилди. Ушбу сайтда база маъмурияти томонидан фаолияти Украина хавфсизлигига таҳдид деб ҳисобланган жамоат арбоблари ва ташкилотларнинг маълумотлари чоп этилади.
Веб-сайтда Тўқаевнинг Deutsche Welle билан 2019 йилдаги интервьюсидан иқтибос келтирган. Унда давлат раҳбари Қозоғистон «Қримда содир бўлган воқеаларни аннексия деб атамаслигини» айтган. Шунингдек, у «Россия раҳбариятининг доно ва виждонли эканига ишонишини» таъкидлаган.
2022 йилнинг 30 сентябрь куни Россия президенти Владимир Путин Донецк ва Луганск халқ республикаларини, шунингдек, Украинанинг Запорожье ва Херсон вилоятларининг Россия назоратидаги бўлинмаларини Россия таркибига киритиш тўғрисидаги фармонларни имзолади. Тўқаев янги ҳудудларнинг Россия таркибига қўшилиши масаласида Қозоғистон «мамлакатларнинг ҳудудий яхлитлиги тамойилларидан келиб чиқади», деди. У ДХР ва ЛХР мустақиллигини тан олмаслигини айтган.
Изоҳ (0)