Россия Украинанинг муҳим инфратузилмасига ҳужум қилишни тўхтатмаяпти. Хусусан, 19 октябрь, чоршанба куни улар Ивано-Франковск вилоятидаги Бурштин иссиқлик электр станциясига ракета ҳужумларини уюштирган. Бу ҳақда Ивано-Франковск вилояти давлат маъмурияти раиси Светлана Онисчук Telegram саҳифасида маълум қилди.
«Бугун вилоятимиз яна ракета ҳужумларига учради. Бурштин ИЭСга берилган зарба натижасида ёнғин содир бўлди. Барча хизматлар ишламоқда, қутқарувчилар воқеа жойида. Худога шукур, қурбонлар йўқ», — деди у Telegram’даги видеомурожаатида.
Онисчукнинг эслатишича, Буртишнская ИЭС ҳудудидаги йўл тўсиб қўйилган, қўшни қишлоқлар орқали айланма йўл ташкил этилган.
Маъмурият раҳбари, шунингдек, аввалроқ фуқароларнинг электр энергиясини тежаш бўйича мутасаддиларнинг чақириғига жавобан вилоятда электр энергияси истеъмоли даражасини 15 фоизга камайтиришга эришилганини ҳам таъкидлаган.
«Электр энергиясини тежашда давом этишимиз зарур. Мен ҳаммадан соат 17:00 дан 23:00 гача кўп энергия сарфлайдиган электр жиҳозларидан камроқ фойдаланишни сўрайман», — дея таъкидлади у.
Изоҳ (0)