Украина ҳаво кучлари Россиянинг ҳужуми Ростов яқинидан амалга оширилаётгани учун мудофаага улгуриш қийинлигини билдирди

Россия стратегик авиацияси Украинага энди Каспий денгизи ҳудудидан эмас, балки Ростов вилоятидан ҳужум қила бошлади. Бу ҳақда Украина Қуролли Кучлари Ҳарбий ҳаво кучлари қўмондонлиги спикери Юрий Игнат гапириб ўтди, дея хабар беради «Лига Новини».

Игнатнинг сўзларига кўра, Россия стратегик бомбардимончилари Украинани Х-101 ва Кҳ-555 ракеталари билан бомбардимон қилишда давом этмоқда, аммо ҳозир улар ҳужумни Каспий денгизидан эмас, балки Ростов вилоятидан амалга оширмоқда.

«Яъни, яқинроқдан. Бу ҳужумга жавоб бериш учун камроқ вақт қолдиради», — деди Игнат.

Унинг тушунтиришича, ракета 900 км/соат тезликда учади, агар у Каспий денгизи ҳудудидан учирилган бўлса, у ҳолда ҳаво кучларининг реакцияга киришиши, одамларнинг эса ертўлаларгага тушиши учун кўпроқ вақти бор.

Игнатнинг айтишича, ҳозирда русларнинг асосий мақсади Украинанинг муҳим энергетика инфратузилмаси объектларидир.