Исроил ташқи ишлар вазирлигидаги манбалар диаспора ишлари бўйича вазир Наҳман Шайнинг Украинага қурол етказиб берилиши ҳақидаги баёнотини тезда инкор этиб чиқди, деб ёзмоқда Times of Israel нашри.
Ташқи ишлар вазирлиги расмийларининг айтишича, Шайнинг баёноти Исроил ҳукуматининг расмий позициясини акс эттирмайди.
Аввалроқ Эроннинг Россияга нафақат дронлар, балки «Fateh-110» ва «Zolfaghar» ракеталарини етказиб бермоқчилиги маълум бўлгач, Шай шундай баёнот билан чиққан эди: «Бу қонли можарода Исроил қайси томонни танлаши кераклиги ҳақида ҳеч қандай шубҳа қолмади. Украинага АҚШ ва НАТО бераётган ҳарбий ёрдамлар каби Исроил томонидан ҳам шундай ёрдам бериш вақти келди».
Бунга жавобан Россия Хавфсизлик кенгаши раҳбари ўринбосари Дмитрий Медведев Украинага қурол-яроғ етказиб бериш ўйламасдан қилинган қадам бўлишини ва Исроил—Россия муносабатларини бузишини таъкидлади.
Изоҳ (0)