Уруш бошлангандан бери Россия 6 мингта техникасини йўқотди

Украинада уруш бошланганидан бери Россия армияси 6000 та техникани йўқотди, ўқ-дорилар эса ўрнини босиши мумкин бўлмаган даражада сарфланмоқда, деб ёзади «Агенство Новости».

Ҳисоботда айтилишича, Россия май ойидаёқ дизель двигателлари, вертолёт ва самолёт двигателлари ҳамда танклар етишмаслигига дуч келди. Бундан ташқари, Москва бошқа давлатлардан мудофаа буюртмаларини бажаришда муаммоларга учраган.

Россия ҳарбий саноати санкциялар билан чекланган юқори технологияли компонентлар ва оддийроқ қисмларнинг етишмаслигидан қийналмоқда. Шундай қилиб, подшипниклар етишмаслиги туфайли танклар, самолётлар, сув ости кемалари ва бошқа жиҳозларни ишлаб чиқариш ва таъмирлашда муаммолар юзага келди, дейилади хабарда.

Оқ уйнинг юқори мартабали мулозимининг New York Times’га айтишича, Вашингтон қандай технологиялар Россия саноати учун «танқис» бўлиб қолиши мумкинлигини аниқлашга ҳаракат қилмоқда, уларнинг йўқлиги захираларни қайта тиклашга жиддий таъсир қилади. АҚШ молия вазири ўринбосари Уолли Адеемонинг қайд этишича, Оқ уй ҳозирда Россия оз сонли етказиб берувчилардан қурол-яроғ учун қандай қисмларни олиши мумкинлигини аниқлашга ва уларнинг киришини чеклашга ҳаракат қилмоқда.

Хабарда, шунингдек, Россия «олигархлар ва фронт компаниялари тармоғи» ёрдамида Ғарбнинг танқидий технологияларга қўйган чекловларини четлаб ўтишга урингани айтилади.

Аввалроқ The Wall Street Journal таҳлилчиларга таянган ҳолда уруш бошланганидан бери Украина Россия армиясидан кўра Ғарб давлатларидан камроқ оғир қурол олгани ҳақида хабар берилган эди. Шу жумладан, Украина Қуролли кучлари Россиянинг 421 та танкини, 445 та пиёда аскарларини, 192 та зирҳли техникасини ва бошқа воситаларини қўлга киритган.