Ерга 30 мингга яқин потенциал хавфли астероидлар яқинлашмоқда. Улар сайёрамизнинг орбитал йўлидан 45 миллион км узоқликда жойлашган. Бу ҳақда NASA хабар берди.

Қайд этилишича, космик объект сайёрамиз билан тўқнашган тақдирда глобал фалокат хавфи юзага келиши мумкин. Шунинг учун астероидларни бир нечта халқаро агентликлар — NEOCC ва CNEOS кузатиб бормоқда.

Аниқланган 400 та янги объектдан 50 тасининг кенглиги 140 метрдан ортиқ. Бундай астероид назарий жиҳатдан бутун бошли шаҳарни вайрон қилиши мумкин. Шунингдек, айрим астероидларнинг кенглиги 1 километрдан ошади — улар анча катта хавф туғдиради.

Аввалроқ NASA астероидга зарба бериш орқали унинг орбитасини ўзгартириш бўйича муваффақиятли тажриба ўтказган эди. БУ самовий жисм траекториясини ўзгартиришга қаратилган тарихдаги биринчи миссияга айланди. Бундай технология келажакда Ернинг қандайдир астероид билан тўқнашуви олдини олиш учун фойдаланилиши кўзда тутилмоқда.