Ўзингизни яхши ҳис қилишни, бақувват ва жисмоний фаол бўлишни хоҳлайсизми? Бунга эришиш учун бир нечта оддий одатларни мунтазам бажаришингиз керак бўлади. Баъзида нарсаларни яхши томонга ўзгартириш учун кичик ўзгаришлар кифоя қилади. «Новий очаг» нашри соғликни яхшилашга ёрдам берадиган лайфхакларни тақдим этди.
Ҳафтада уч марта машғулотларга боринг
Жисмоний тарбия машқлари ижобий таъсир қилиши учун машғулотларни мунтазам бажариш керак бўлади. Машғулотларнинг энг мақбул режими — уларни ҳафтада уч марта бажаришдир. Куч ишлатиладиган машқлар, кардио, бассейн ёки спорт зали — умуман олганда, қандай спорт тури билан шуғулланишингиз муҳим эмас. Ҳар бир янги машғулотдан сўнг стресс даражаси пасайиши, кайфият яхшиланиши ва саломатлик мустаҳкамланиши муҳим.
Сабзавотлар
Кундалик овқатланиш режимининг камида ярми сабзавотлардан иборат бўлиши керак. Энг яхши танлов — хом сабзавотларни истеъмол қилиш. Сабзи таёқчалари, селдерей поялари, бодринг ва помидорлар, бошқа севимли сабзавотларингизни иш жойингизнинг ёнига қўйинг ва уларни қандай еяётганингизни ўзингиз сезмай қоласиз.
Сабзавотларни барча овқатларга қўшинг
Нима пиширсангиз ҳам, унга бироз сабзавот қўшинг. Макарон учун тўғралган помидор, омлет учун ширин қалампир, стейклар учун брокколидан фойдаланинг. Бу парҳезнинг таъсирини бир ҳафтадан сўнг сезасиз.
Бир соат олдин уйғониш
Кеч ухлайсизми? Афсуски, бунинг ёмон томонлари бор: кеч ухлайдиган инсонлар барвақт ухлайдиган инсонларга қараганда қандли диабетга чалиниши, тушкунликка тушиши ва ҳатто шамоллаш эҳтимоли кўпроқ. Эрталабки қуёш нури соғлиғимиз учун жуда муҳим ва ҳеч нарса унинг ўрнини боса олмайди. Эрталаб уйғониш вақтини аста-секин ўзгартиришни бошланг — ҳар икки-уч кунда 10 дақиқага ва бир ой ичида ҳеч қандай стрессиз бир соат олдин уйғонасиз.
Медитация қилишни ўрганинг
Медитация — нафақат руҳий, балки жисмоний саломатлик учун ҳам жуда фойдали амалиёт ҳисобланади. Доимий медитация қон босимини пасайтиришга, уйқуни яхшилашга ва стрессни камайтиришга ёрдам беради. Бундан ташқари, ижобий таъсирга эришиш учун кунига атиги 10 дақиқа медитация билан шуғулланиш кифоя қилади.
Ёстиқни алмаштиринг
Шифокорлар ҳар икки йилда ёстиқни алмаштиришни (ёки ҳеч бўлмаганда тубдан тозалашни) тавсия қилган. Гап шундаки, ёстиқ ётоқхонадаги энг ифлос ва энг хавфли нарса ҳисобланади. Агар ёстиқ жилдини доимий равишда алмаштирсангиз ҳам, ёстиқчанинг ўзида 16 тагача турли хил замбуруғ споралари, шунингдек, каналар бўлиши мумкин.
Шоколад истеъмол қилинг
Таркибида какао кўп бўлган ва шакарсиз қора шоколад тананинг асаб тизимидан тортиб юрак-қон томир тизимигача бўлган деярли барча тизимларига ижобий таъсир кўрсатади ва ҳатто озишга ёрдам беради. Кунига уч ёки тўртта бўлак шоколад истеъмол қилиш керак.
Ҳар куни сайрга чиқинг
Очиқ ҳавода 15 дақиқа сайр қилиш ҳам соғлиқни сезиларли даражада яхшилайди. Депрессияга қарши курашиш, юрак фаолиятини меъёрлаштириш, қонни кислород билан таъминлаш, кайфият ва энергия даражасини яхшилаш – тоза ҳавода бироз сайр қилиш бу ҳолатларга ижобий таъсир қилади. Бу ҳолатга бепарво бўлманг.
Лифт ёки эскалатордан фойдаланманг
Кундалик жисмоний фаолликни оширишнинг энг осон йўли лифт ёки эскалаторни ташлаб, қаерга борсангиз ҳам зинапоялардан чиқиш ҳисобланади. Бир ҳафта давомида кунига бир нечта «кулгили» парвозлар жисмоний фаолиятни яхшилашга ёрдам беради ва бу ҳаракат ҳақиқатан ҳам фойдали.
Мавзуга доир:
- Фарзандингиз мактаб ўқувчисими? Ўқув йили давомида ёрдам берадиган 12 та лайфхак (фото).
- Чангютгич яна нималарга қодирлигини биласизми? У билан амалга ошириш мумкин бўлган 10 та лайфхак.
- Гўзал тонг: етарлича ухламаганлар учун 5 та бюти-лайфхак.
- Сочингизни ҳар куни ювмасликка ёрдам берадиган 12 та лайфхак (фото).
Изоҳ (0)