Шавкат Мирзиёев 14 октябрь куни Мустақил Давлатлар Ҳамдўстлиги давлат раҳбарлари кенгашининг мажлиси доирасида Тожикистон президенти Эмомали Раҳмон билан учрашув ўтказди. Бу ҳақда президент матбуот хизмати хабар берди.
Таъкидланишича, учрашувда Марказий Осиёда кўп қиррали ҳамкорликни янада кенгайтириш ва минтақавий шерикликни мустаҳкамлашнинг долзарб масалалари кўриб чиқилди.
Президентлар олий даражада эришилган, энг аввало, товар айирбошлашни кўпайтириш, саноат, энергетика, транспорт, инфратузилма, қишлоқ хўжалиги соҳаларида устувор инвестиция лойиҳаларини амалга ошириш борасидаги келишувларни рўёбга чиқариш зарурлигини таъкидлади.
Шунингдек, минтақавий тузилмалар, шу жумладан, ШҲТ ва МДҲ доирасидаги ҳамкорликка оид масалалар муҳокама қилинди.
Изоҳ (0)