Бугун ва дам олиш кунлари Ўзбекистон ҳудудига илиқ ва қуруқ ҳаво массаси кириб келиши давом этади, деб хабар бермоқда «Ўзгидромет».
Фақат республиканинг шимолий ҳудудларига Каспий денгизи ҳудудларидан булутли массивлар кириб келишида 15 октябрь куни беқарор об-ҳаво бўлиши кутилмоқда. Баъзи жойларда ёмғир ёғади.
Кундузги ҳаво ҳарорати ушбу куннинг ўртача меъёрий қийматларидан юқори бўлади ва 26-29 даражани ташкил этади.
Шимолда ва чўл ҳудудларда 16 октябрь шамол 15-20 метр/секундгача кучайиши, айрим жойларда чанг-тўзонлар кузатилиши мумкин.
Марказ хабарига кўра, 17 октябрда Ўзбекистоннинг шимолий ҳудудларига, 18—19 октябрда республиканинг қолган ҳудудларига совуқ ва нам ҳаво массалари кириб келиб, ҳарорат пасайиши кутилмоқда. Шу кунларда қатор ҳудудларда ёмғир ёғади, тоғли ҳудудларда кучли ёғингарчилик бўлиши мумкин.
Мавзуга доир: Ўзбекистонда кутилаётган қиш мавсуми учун тахминий прогноз эълон қилинди
Изоҳ (0)