Самарқандда Lacetti металл тўсиққа урилиши оқибатида ҳайдовчи ва тўрт нафар йўловчи ҳалок бўлди.
Вилоят ИИБ матбуот хизматининг маълум қилишича, воқеа 13 октябрь куни соат 19:00 М-37А айланма автомобиль йўлининг 37-километрида юз берган. 30 ёшли ҳайдовчи Ж.М. бошқарувида бўлган Lacetti русумли автомашинасида Тошкент—Бухоро йўналиши бўйича ҳаракатланаётиб, автомашина бошқарувини йўқотган ва йўлнинг қарама-қарши йўналишларини ажратиб турган металл тўсиққа урилган.
Оқибатда ҳайдовчи ва йўловчилар — 25 ёшли Й.У, 41 ёшли Р.Э., 44 ёшли А.У. ва 34 ёшли М.Ғ. тан жароҳатлари олиб, воқеа жойида вафот этган.
Ҳолат юзасидан вилоят ИИБ томонидан мазкур ҳолат юзасидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми «а» банди билан жиноят иши қўзғатилган.
Изоҳ (2)
Xatto polosa ham chizilmagan o'sha yerda
Hech kimning hokim buvaning yumshoq qilib aytganda, "e'tiborsizligi" sababli yo'lning o'sha qismidagi to'siq oxirigacha qurib bitkazilmaganligi, birorta ogohlantiruvchi belgi qo'yilmaganligini aytishga yuragi betlamaydi. Har doimgidek hamma ayb boshqaruvni yo'qotgan haydovchida