Малайзия компанияси Бухоро аэропортини давлат-хусусий шериклик асосида бошқариш имкониятини кўриб чиқмоқда. Бу ҳақда Uzbekistan Airports матбуот хизмати хабар бермоқда.
Ўзбекистон Транспорт вазирлиги, Uzbekistan Airports ҳамда Malaysia Airports Holdings Berhad компаниялари вакиллари ўртасида учрашув бўлиб ўтди.
Музокаралар чоғида Малайзия тажрибасини жорий этиш орқали Ўзбекистонда аэропорт хизматлари бозорини ривожлантириш бўйича ҳамкорлик масалалари муҳокама қилинди.
Учрашув якунлари бўйича Малайзия компаниясининг Ўзбекистонга ташрифини ташкил этиш ва қўшимча музокаралар ўтказиш ҳамда Бухоро аэропортини ривожлантириш концепцияси ҳақида батафсил маълумот тақдим этиш бўйича келишувга эришилди.
Malaysia Airports Holdings Berhad 1992 йилда ташкил этилган ҳисобланади. Бугунги кунда Малайзия бўйлаб 39 та аэропорт ва Туркиядаги битта халқаро аэропортга эгалик қилади.
Аввалроқ Uzbekistan Airports парвозларни кузатиш учун Telegram бот ишга туширгани ҳақида хабар берилганди.
Изоҳ (0)