Сурхондарё вилояти, Термиз шаҳридаги бино-иншоотлар комплекси кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлигининг Сурхондарё вилоят ҳудудий бошқармаси томонидан жойлаштирилган.
Асосий фаолият тури сифатида хизмат кўрсатиш келтирилган ушбу комплексда савдо дўкони, омборхона, ётоқхона, маъмурий бинолар ҳамда қишлоқ хўжалиги маҳсулотларини қайта ишлаш (қуритиш) дастгоҳлари, сақлаш учун музлаткич бино-иншоотлари мавжуд.
Ер участкасининг умумий майдони — 0,45 гектар. Бинонинг майдони — 2 442 квадрат метр. Унда газ, сув, электр таъминоти мавжуд, канализация тизими эса йўқ.
Аукционга қўйилган иншоотнинг бошланғич баҳоси — 66,2 млрд сўм. Аризалар 11 ноябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ собиқ «Бухоротекс»га қарашли мажмуа аукционда 110 млрд сўмга сотилгани ҳақида хабар берилганди.
Изоҳ (0)