«Ягона умумреспублика процессинг маркази» (Uzcard) устав капиталидаги 75 фоиз давлат улуши хусусийлаштирилди. Бу ҳақда Давлат активларини бошқариш агентлиги (DABА) хабар бермоқда.
Давлат тендер комиссияси томонидан 20 август куни Uzcard’даги 75 фоиз давлат улуши мустақил баҳолаш ташкилотини жалб этиб сотилиши тўғрисида қарор қабул қилинган эди.
Таъкидланишича, DABА томонидан жалб этилган мустақил баҳоловчи Real Excellent Valuation компанияси Uzcard қийматини баҳолаган. Худди шу қийматда Uzcard’нинг устав капиталидаги давлат улушини сотиб олиш истаги билдирилган.
Uzcard’ни 4 нафар иштирокчиларга 25 фоиздан баҳоланган қийматда, жами 210,1 млрд сўмга сотиш юзасидан олди-сотди шартномалари имзоланган.
Қайд этилишича, мазкур шартномаларга мувофиқ жорий йил сентябрь ойида DABАнинг хусусийлаштириш жамғармасига келиб тушган ушбу маблағлар қонунчиликда белгиланган тартибда тақсимланган.
Изоҳ (0)