«Дарё» интернет-нашри ҳамда Тошкент шаҳри ҳокимлиги қошидаги Жамоатчилик кенгаши ҳамкорлигида ташкил этилган «Маҳалла. Муаммо. Мулоҳаза» лойиҳасининг 2-сони меҳмони — Telegram’даги «Kurbanoff.net» канали муаллифи, иқтисодчи Шуҳрат Қурбонов бўлди. Кўрсатувнинг бу галги мавзуси — онлайн фирибгарлик.
Шуҳрат Қурбонов кўрсатув давомида кредит учун кафил бўлиш масаласига тўхталди. Унинг фикрича, кафилликни фақат яқин инсонларга қилиш керак.
Кўпчилик адашади бу масалада. Масалан, ишхонада ҳамкасбингиз илтимос қилади: «Кир машина олмоқчиман, ойлигим етмаяпти. Кафил бўлиб бер» деб. Кейин танишингизга йўқ деёлмайсиз, соддалик, ўзбекчилик деб, рози бўласиз.Лекин кафиллик дегани — қочиб кетса, сен тўлайсан дегани эмас. Кафиллик — ҳар ой фоиз тўлайдиган пайтда асосий қарздорнинг пули йўқ бўлса, сиз юрагингизни ушлаб ўтирасиз дегани. У пулни тўламаса, сизнинг карточкангиздан олиб кетишади. Автоматик ечиб олишади, чунки кафиллик шартномасига имзо қўйганингизда шу нарсага розилик берасиз.
Шунинг учун, иложи бўлса, кафилликни (ўзбекчиликка тўғри келмайдиган гапни айтаман) фақат яқин одамларингизга қилинг. Унинг учун ўзингиз тўлашга рози бўладиган одамларгагина кафил бўлишни тавсия қиламан.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)