3—9 октябрь кунлари Товар-хом ашё биржасида 2,5 трлн сўмлик товарлар сотилган бўлиб, бу аввалги ҳафтага нисбатан 14,1 фоизга камдир. Бу ҳақда биржа матбуот хизмати хабар бермоқда.
Бунда сотувларнинг:
- 79,4 фоиз — биржа савдолари;
- 0,2 фоиз — кўргазма-ярмарка савдолари;
- 20,2 фоиз — электрон давлат харидлари;
- 0,2 фоиз — авторақамларнинг онлайн-аукционига тўғри келди.
Кичик бизнес ва хусусий тадбиркорлик субъектлари иштирокида тузилган битимларнинг умумий ҳажми 574,2 млрд сўмни ташкил қилди.
Давлат харидлари тизимларида ўтказилган электрон савдолар натижасида бюджет ва корпоратив буюртмачиларининг қарийб 84 млрд сўмлик маблағлари тежалди.
Кўриб чиқилаётган давр мобайнида онлайн аукцион орқали 2 347 та авторақамлар сотилди, сотилган давлат рақам белгиларининг умумий суммаси 6 млрд сўмни ташкил қилди.
Рақобатли савдолар натижасида битимларнинг:
- 3,7 фоизи — биринчи тоифадаги;
- 7,4 фоизи — иккинчи тоифадаги;
- 7,3 фоизи — учинчи тоифадаги;
- 10,3 фоизи — тўртинчи тоифадаги;
- 23,7 фоизи — бешинчи тоифадаги;
- 47,6 фоизи — олтинчи тоифа авторақамларга тегишлидир.
Биржа савдолари
Кўриб чиқилаётган даврда очиқ биржа савдолари орқали жами 2,03 трлн сўмлик товар ресурслари сотилди. Сотувчи корхоналар маҳсулотларни тасдиқланган жадвалларга риоя қилган ҳолда биржа савдоларига қўйишди, шу жумладан:
Шакар
Биржанинг шакар бозорида нархлар пасайиши қайд этилди. Ҳафта давомида биржа савдоларига 10,4 минг тонна шакар қўйилди ва уларнинг деярли барчаси — 10,2 минг тоннаси сотилди.
Ўтказилган савдоларда ҳар куни ўртача 295 харидор иштирок этди. Шакарнинг ўртача кунлик сотув ҳажмлари 2,04 минг тоннани ташкил қилди.
Кўриб чиқилаётган даврда шакарнинг барча категорияси бўйича шаклланган кунлик ўртача нархлар маҳсулотнинг бир тоннаси учун 11,6 минг сўмдан 10,6 минг сўмгача яъни 9 фоизга пасайган.
Буғдой
Ўтган ҳафтада биржа савдолари орқали 40,8 минг тонна буғдой сотилди. Ўтказилган савдоларда ҳар куни ўртача 63 та харидор иштирок этди. Ўртача кунлик сотув ҳажмлари 8,1 минг тоннани ташкил қилди.
Кўриб чиқилаётган даврда буғдойнинг кунлик ўртача нархлари маҳсулотнинг бир тоннаси учун 3,6 минг сўмдан 3,5 минг сўмгача яъни 3,2 фоизга пасайди.
Суюлтирилган газ
Биржанинг суюлтирилган газ бозорида нархлар пасайиши қайд этилди. Ҳафта давомида биржа савдоларига 2,3 минг тонна суюлтирилган газ қўйилди ва уларнинг барчаси сотилди.
Кўриб чиқилаётган даврда суюлтирилган газ бўйича шаклланган кунлик ўртача нархлар маҳсулотнинг бир тоннаси учун 4,3 минг сўмдан 3,9 минг сўмгача яъни 8,7 фоизга пасайган.
Ўтказилган биржа савдолари натижасида суюлтирилган газ бўйича шаклланган ўртача ҳафталик нархи маҳсулотни бир тоннаси учун 4,1 минг сўмни ташкил этди.
Изоҳ (0)