Швейцария Федерал суди Россияни ЮКОСнинг собиқ молиявий тузилмасига 2,63 миллиард доллар тўлашга мажбур қилди. Бу ҳақда Forbes хабар бермоқда.
Россия ишни халқаро энергия савдоси ва инвестицияларини тартибга солувчи Энергия Хартияси шартномаси билан биргаликда кўриб чиқаётган Женева арбитраж суди ваколатига эътироз билдирди.
Россия парламенти эса уни ратификация қилмаганини таъкидлади. Швейцария Федерал суди бу далилни рад этди.
Юкос Capital 2013 йилда Россияга қарши арбитраж ишини бошлаб, «Юганскнефтегаз» ва «Самаранефтегаз» компанияларига кредитлар қайтарилмагани учун 13 миллиард доллар товон пули талаб қилган.
Россия расмийларига кўра, бу маблағлар ЮКОСга тегишли бўлиб, маблағларни олиб қўйиш ва солиқ тўлашдан бўйин товлаш учун ишлатилган.
2021 йил июль ойида Гаагадаги Доимий арбитраж суди ҳомийлигидаги Халқаро арбитраж Юкос Capitalга фоизлар ва юридик харажатларни ҳисобга олмаганда 2,6 миллиард доллар товон тўлаш ҳақида қарор чиқарганди.
Россия Бош прокуратураси ушбу қарор устидан шикоят қилишга ваъда берган эди. Бу иш ЮКОСни тугатиш бўйича кенг кўламли ҳуқуқий достоннинг фақат бир қисми.
«Юкос Оил Company» Россиянинг Москва шаҳрида жойлашган нефть ва газ компанияси бўлган.
ЮКОСни 1990 йиллар ўрталарида ўтказилган мунозарали «акцияларга кредит» кимошди савдоларида россиялик олигарх Михаил Ходорковскийнинг «Менатеп» банки Россия ҳукуматидан сотиб олган.
Изоҳ (0)