Россияга қарши саккизинчи санкциялар тўплами киритилгандан сўнг, Европа Иттифоқи томонидан барча савдо чекловлари қиймати тахминан 123 миллиард еврога баҳоланмоқда, бу ҳақда «РБК» хабар бермоқда.
Бу миқдорда Россия ва Европа Иттифоқи мамлакатлари ўртасидаги 2021 йилда мавжуд бўлган, аммо расмий санкциялар туфайли энди имконсиз бўлган ўзаро савдо ҳажми (импорт ва экспорт) тушунилади.
Янги санкциялар пакети савдо санкцияларини ўз ичига олди — Россия товарларини Европа Иттифоқига олиб кириш ва Европа товарларини Россияга экспорт қилишни чеклаш, Россия мижозларига архитектура ва муҳандислик, шунингдек, IT консалтинг ва юридик хизматларни тақдим этишни тақиқлаш учун чекловлар.
Санкцияларнинг сўнгги босқичида Европа Иттифоқи Россиядан янада кўпроқ темир ва пўлат маҳсулотлар, баъзи кимёвий моддалар, косметика ва совунлар, пластмассалар, ёғоч хамири, газета қоғози, салфеткалар импортини тақиқлади.
Импорт чекловлари деярли 90 миллиард еврони ташкил этади (бу 2023 йил бошида тўхтатилиши керак бўлган Россия нефть маҳсулотларини Европа Иттифоқига етказиб бериш — 65 миллиард еврони ўз ичига олади).
Мисол учун, Европа Иттифоқи энди Россиядан органик бирикмалар (метанол, кислоталар ва бошқалар) сотиб олишни тақиқлади, уларнинг Европага етказиб берилиш қиймати ўтган йили 756 миллион долларга етган.
Жумладан, ЕИ мамлакатлари Россиядан метил спиртини 519 миллион долларга импорт қилган. Бундан ташқари, 2022 йилда Европа Россиядан метанолни фаол сотиб олишни давом эттирган: июнь ва июль ойларида унинг етказиб бериш ҳажми 36 миллион доллар ёки 92—99 минг тоннани ташкил этган.
Ҳаммаси бўлиб, импорт эмбарголарининг янги рўйхати 140 га яқин товарларни ўз ичига олади.
Бироқ мавжуд шартномалар бўйича ушбу товарларни етказиб бериш 2023 йил 8 январгача мумкин бўлади, шунинг учун чекловларнинг тўлиқ таъсири кейинги йилдан бошлаб пайдо бўлади.
Изоҳ (0)