Rossiya Federatsiyasi Mudofaa vazirligi Lugansk viloyati hududining bir qismi ustidan nazorat yo‘qolganini tan oldi, deb yozadi “Agenstvo Novosti”.
Rossiya Federatsiyasi Mudofaa vazirligi 11-oktabr seshanba kuni kundalik brifingda Ukrainadagi harbiy harakatlarning yangilangan xaritasini namoyish etdi. Bundan kelib chiqadiki, Rossiya kuchlari Lugansk viloyati hududining bir qismi ustidan nazoratni yo‘qotgan.
Agentlik Raygorodok qishlog‘idan janubdagi va Novovodyanoe qishlog‘i atrofidagi hududni Rossiya Federatsiyasi nazorati ostida deb belgilashni to‘xtatdi. Bir kun avval bo‘lib o‘tgan brifingda bu hududlar Rossiya nazorati ostida ekanligi qayd etilgan edi.
Nadiya, Grekovka (2016-yilgacha Petrivske) va Novoyegorovka aholi punktlarining ham boy berilgani haqida aytish mumkin, ular Ukraina Qurolli kuchlari tomonidan ozod qilingani haqida 9-oktabr, yakshanba kuni Lugansk viloyati ma’muriyati rahbari Sergey Gayday ma’lum qilgan.
O‘sha kuni Gayday Stelmaxovka qishlog‘ini egallab olganini e’lon qilgandi. Uning Ukraina nazorati ostiga o‘tishi haqidagi ma’lumotni sun’iy yo‘ldosh tasvirlari tahliliga asoslanib, Urushni o‘rganish instituti (ISW) mutaxassislari ham tasdiqlaydi. Biroq Rossiya Mudofaa vazirligi seshanba kuni bo‘lib o‘tgan brifing chog‘ida Ukraina Qurolli kuchlari Stelmaxivka yo‘nalishi bo‘yicha hujumga “muvaffaqiyatsiz urinish” qilganini aytdi.
19-sentabr kuni Lugansk ma’muriyati rahbari Ukraina harbiylari Lugansk viloyatidagi birinchi aholi punktini ozod qilganini ma’lum qilgan edi. Ozod qilingan hudud Belgorovka hududi bo‘lgan.
Urushni o‘rganish instituti (ISW) ma’lumotlariga ko‘ra, 10-oktabrga kelib, Rossiya Lugansk viloyatining g‘arbiy qismidagi 200 kvadrat kilometrdan ortiq maydon nazoratini yo‘qotdi.
Izoh (0)