Ўзбекистон товар-хом ашё биржаси (UZEX) БАА бозорига киришни режалаштирмоқда. Бу ҳақда Инвестициялар ва ташқи савдо вазирлиги хабар бермоқда.
Ўзбекистон Республикаси товар-хом ашё биржаси (UZEX) ва Дубай кўп тармоқли товар ва хом ашё маркази раҳбарияти (DМCC) билан музокаралар ташкил этилди.
Музокарада ҳамкорликни йўлга қўйиш масалалари, хусусан, UZEX платформаси самарадорлигини ошириш мақсадида DМCC нинг илғор тажрибасини қўллаш кўриб чиқилган.
Шунингдек, БАА бозорида UZEX савдо платформасини яратиш масалалари муҳокама қилинди.
Ҳамкорликнинг амалий босқичларини бошлаш мақсадида UZEX делегациясининг яқин кунларда БААга ташрифини ташкил этиш бўйича келишувларга эришилди.
Аввалроқ Италияда Ўзбекистон товар-хом ашё биржаси ваколатхонаси очилиши ҳақида хабар берилганди.
Изоҳ (0)