Twitter инвестори дунёнинг энг бой одами Илон Маскни ижтимоий тармоқ акциялари нархини манипуляция қилишда айблаб, судга берди. Бу ҳақда Bloomberg хабар берди.
Жузеппе Пампенанинг сўзларига кўра, Маск ўтган ҳафта Twitter’ни дастлаб келишилган нархда сотиб олишга рози бўлганида, у шартномадан воз кечиш ҳақида ёлғон гапирганини тан олган.
Душанба куни Сан-Франциско федерал судига тақдим этилган қимматли қоғозлар синфига оид шикоятга кўра, Маскнинг Twitter ҳақидаги айбловлари унинг акциялари нархини пасайтириб, инвесторларга зарар етказди.
Маск апрель ойида Twitter’ни ҳар бир акция учун 54,20 долларга ёки 44 миллиард долларга сотиб олишни таклиф қилган, бироқ уч ҳафта ўтиб битимдан чиқишни эълон қилган эди.
Июль ойи бошида Маскнинг адвокатлари ижтимоий тармоқдаги аккаунтлар сони умумий аккоунтларнинг 5 фоизидан камроғини ташкил этгани тўғрисида далил ололмагани учун сотиб олишдан воз кечаётгани ҳақида хабар берди.
Кейин Маск баёнотлар беришни, твитларни юборишни ва келишувга шубҳа уйғотиш ва Twitter акцияларини сезиларли даражада камайтириш учун мўлжалланган хатти-ҳаракатларни амалга оширишни давом эттирди.
Бу орқали у Twitter нархини 25 фоизгача, яъни 11 миллиард долларга камайтирмоқчи бўлган. Маскнинг ушбу хатти-ҳаракати фирибгарлик эди, — дейилади даъвода.
4 октябрь куни Маск шартномани узайтириш ва Twitter’ни асл нархда сотиб олишга қарор қилгани ҳақида хабар берганди. Шу куни ижтимоий тармоқ вакили Маскдан таклиф билан тегишли хат олинганини тасдиқлаган.
Изоҳ (0)