Renault Nissan Motor компаниясидаги улушини камайтиришга тайёрлиги ҳақида маълум бўлди. Бу ҳақда Bloomberg хабар бермоқда.
Компания раҳбарлари Франция ва Япониядаги учрашувлар чоғида Renault’нинг ишлаб чиқариш режасини ва жуфтликнинг йигирма йиллик иттифоқини қайта шакллантиришни муҳокама қилди.
Икки компания ўртасидаги ҳамкорликни ривожлантириш учун 1999 йилда тузилган иттифоқ узоқ давом этган кескинликларга қарамай бирга фаолият юритишга муваффақ бўлган.
Музокаралар фаоллашмоқда, француз автомобиль ишлаб чиқарувчиси ноябрь ойи бошида тафсилотларни эълон қилишни режалаштирмоқда.
Renault бош ижрочи директори Лука де Мео 9 октябрь, якшанба куни Япониянинг марказий қисмидаги Сузука шаҳрида бўлиб ўтган Формула 1 пойгасида қатнашиши ва бу унга Nissan бош директори Макото Учида билан суҳбатлашиш имкониятини бериши керак эди.
Томонларнинг сармоявий муносабатлари узоқ вақтдан бери Nissan учун баҳсли масала бўлиб келган.
Nissan француз компаниясидан ўзаро улушларини тенглаштириш учун Renault’нинг улушини 43 фоиздан 15 фоизга камайтиришни талаб қилмоқда.
Дам олиш кунлари бўлиб ўтган музокаралар аниқ натижа бермаса-да, ҳар қандай ҳаракат Nissan томонидан берилган имтиёзларга боғлиқ бўлади.
Эҳтимол бу келишилган нарх даражалари ёки акцияларни сотишни бошлайдиган муайян лойиҳани ўз ичига олади. Renault компаниясининг 15 фоиз улушига эга бўлган Франция компанияси ҳам ҳар қандай режани тасдиқлаши керак, — дейилади хабарда.
Келажакда электромобиллар ишлаб чиқаришга ўтишни режалаштираётган француз автоконцерни Renault ички ёнув двигателли автомобиллар ишлаб чиқариш бўйича бизнесининг бир қисмини Хитойнинг Геелй компаниясига сотмоқчи.
Бироқ бундай қарорни қабул қилиш учун компанияларнинг умумий интеллектуал мулкини ҳисобга олган ҳолда Nissan розилиги керак.
Лекин япон автомобиль ишлаб чиқарувчиси бундай ҳаракатга қарши, чунки у Renault билан қўшма технологияси Хитой компанияси қўлига тушишини истамайди, — дейди манбалар.
Аввалроқ Ўзбекистондаги Renault автомобилларига энди нима бўлиши ҳақида хабар берилганди.
Изоҳ (0)