Nissan Renault’dan kompaniyadagi ulushini sotishni talab qilmoqda

Renault Nissan Motor kompaniyasidagi ulushini kamaytirishga tayyorligi haqida ma’lum bo‘ldi. Bu haqda Bloomberg xabar bermoqda.

Kompaniya rahbarlari Fransiya va Yaponiyadagi uchrashuvlar chog‘ida Renault’ning ishlab chiqarish rejasini va juftlikning yigirma yillik ittifoqini qayta shakllantirishni muhokama qildi.

Ikki kompaniya o‘rtasidagi hamkorlikni rivojlantirish uchun 1999-yilda tuzilgan ittifoq uzoq davom etgan keskinliklarga qaramay birga faoliyat yuritishga muvaffaq bo‘lgan.

Muzokaralar faollashmoqda, fransuz avtomobil ishlab chiqaruvchisi noyabr oyi boshida tafsilotlarni e’lon qilishni rejalashtirmoqda.

Renault bosh ijrochi direktori Luka de Meo 9-oktabr, yakshanba kuni Yaponiyaning markaziy qismidagi Suzuka shahrida bo‘lib o‘tgan Formula 1 poygasida qatnashishi va bu unga Nissan bosh direktori Makoto Uchida bilan suhbatlashish imkoniyatini berishi kerak edi.

Tomonlarning sarmoyaviy munosabatlari uzoq vaqtdan beri Nissan uchun bahsli masala bo‘lib kelgan.

Nissan fransuz kompaniyasidan o‘zaro ulushlarini tenglashtirish uchun Renault’ning ulushini 43 foizdan 15 foizga kamaytirishni talab qilmoqda.

Dam olish kunlari bo‘lib o‘tgan muzokaralar aniq natija bermasa-da, har qanday harakat Nissan tomonidan berilgan imtiyozlarga bog‘liq bo‘ladi.

Ehtimol bu kelishilgan narx darajalari yoki aksiyalarni sotishni boshlaydigan muayyan loyihani o‘z ichiga oladi. Renault kompaniyasining 15 foiz ulushiga ega bo‘lgan Fransiya kompaniyasi ham har qanday rejani tasdiqlashi kerak, — deyiladi xabarda.

Kelajakda elektromobillar ishlab chiqarishga o‘tishni rejalashtirayotgan fransuz avtokonserni Renault ichki yonuv dvigatelli avtomobillar ishlab chiqarish bo‘yicha biznesining bir qismini Xitoyning Geyely kompaniyasiga sotmoqchi.

Biroq bunday qarorni qabul qilish uchun kompaniyalarning umumiy intellektual mulkini hisobga olgan holda Nissan roziligi kerak.

Lekin yapon avtomobil ishlab chiqaruvchisi bunday harakatga qarshi, chunki u Renault bilan qo‘shma texnologiyasi Xitoy kompaniyasi qo‘liga tushishini istamaydi, — deydi manbalar.

Avvalroq O‘zbekistondagi Renault avtomobillariga endi nima bo‘lishi haqida xabar berilgandi.