Тошкент шаҳри ҳавоси 2 октябрь куни эрта тонгда бир муддат нафас олиб бўлмайдиган даражада ифлосланган. Бу ҳақда «Ўзгидромет» мутахассиси Эркин Абдулаҳатов ёзмоқда.
Мутахассис BBC журналисти Ибрат Сафонинг Тошкент 2–3 йил ичида яшаб бўлмайдиган шаҳарга айланиб қолиши, ҳаво шу қадар ифлос эканидан заҳар ҳатто жигарранг тусда кўзга кўринаётгани ҳақида ёзиб қолдирган фикри юзасидан ўз муносабатини билдириб ўтган.
Ҳа, пойтахт ҳавоси муттасил бўлмаса-да, ора-орада нафас олиб бўлмас даражада ифлосланаётганидан хавотирга тушасан. Баъзан ўта зич транспорт ҳаракати эффекти «Ўзгидромет» стационар постлари маълумотида ҳам кўриниб қолади.Масалан, 2 октябрь эрта тонг соат 07:00 да пойтахт ҳавоси бир муддат нафас олиб бўлмайдиган даражада ифосланди. Асосий манба карбонат ангдриднинг кескин ошиб кетишида кўринди. Ўшанда ПМ-2,5 майда дисперс заррачаси ҳам меъёрдан ортиб кетди.
Медикларга маълумки, соч толасидан 40 баробар кичкина, деярли кўринмас ПМ-2,5 майда дисперс заррачаларининг ҳавода меъёрдан кўп бўлиши кишилар нафас олганда ҳеч қандай тўсиқларсиз, ўпка тўқималарига урилиб, тўғридан-тўғри қон орқали юракка етиб бориш хусусиятига эга. Ва бу, табиийки, инсон саломатлиги учун ўта хавфли жараён экани кундек равшан.Экология, атроф-муҳитга эътиборли бўлайлик, дўстлар! Пойтахт ҳавосидаги вазият ва келгуси прогнозлар шундоқ ҳам у даражада ҳавас қиларли эмас, — деб ёзади мутахассис.
Изоҳ (0)